07.05.2024 | 13:46
Ռաֆիկ Մելիքյանը ճանաչվել է Ֆուտզալի Հայաստանի Բարձրագույն խմբի 2023-2024 թթ. առաջնության լավագույն ֆուտզալիստ
Դոնեցկում 3 օտարերկրացու մահապատժի են դատապարտել` ուկրաինական կողմից ռազմական գործողություններին մասնակցելու համար
Քաղաքականություն
09.06.2022 | 20:53
Ինքնահռչակ Դոնեցկի ժողովրդական հանրապետության, այսպես կոչված, «Գերագույն դատարանն» այսօր Ուկրաինայի կողմից ռազմական գործողություններին մասնակցելու գործով մահապատժի է դատապարտել երեք օտարերկրացու, գրում է DW-ի ռուսական ծառայությունը։
Դատավճիռը կայացվել է Մեծ Բրիտանիայի երկու քաղաքացիներ Շոն Փինների և Էյդեն Ասլինի, ինչպես նաև Մարոկկոյի քաղաքացի Սաադուն Բրահիմի նկատմամբ։ Նրանց մեղադրանք է առաջադրվել «վարձկանության և մի խումբ անձանց կողմից իշխանության բռնի զավթման» մեջ։ Դատավարությունը տևել է երեք օր։
Ասլինը սկսել է ծառայել Ուկրաինայի Զինված ուժերի 36-րդ ծովային բրիգադում 2018 թվականից։ Նա ռուսական զորքերի կողմից գերեվարվել է ապրիլի կեսերին։ Միևնույն ժամանակ, Դոնեցկի միլիցիան նույն բրիգադից գերի է վերցրել նաև անգլիական թագավորական գնդի 48-ամյա նախկին զինվորական Շոն Փիններին։
Սաադուն Բրահիմի մասին հայտնի է, որ նա 21 տարեկան է, Ուկրաինա է եկել 2019 թվականին և սովորել Կիևի Պոլիտեխնիկական ինստիտուտի աերոդինամիկական և տիեզերական տեխնոլոգիաների ֆակուլտետում։ Մեկ տարի առաջ նա թողել է ուսումը և պայմանագրային հիմունքներով ծառայել 36-րդ ծովային բրիգադում։ Նա գերի է ընկել Վոլնովախայում տեղի ունեցած մարտերի ժամանակ։
Էմմա Չոբանյան
