16.01.2025 | 09:53
«Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա». ՈՒՂԻՂ
Կարեն Ասրյանի անվան հուշամրցաշարում դեռևս անպարտելի են 17 շախմատիստներ
09.06.2022 | 12:21
Տիգրան Պետրոսյանի անվան շախմատի տանն ընթացող Կարեն Ասրյանի անվան հուշամրցաշարում կայացել են երկրորդ տուրի պարտիաները:
«Արմենպրես»-ի հաղորդմամբ` երկրորդ տուրից հետո Հայաստանի 14 մասնակից առաջատարների խմբում է: 2-ական միավորով դեռևս անպարտելի են նաև ՖԻԴԵ-ի դրոշի տակ հանդես եկող 2 ռուս շախմատիստ և Հնդկաստանի մեկ ներկայացուցիչ:
Տիգրան Պետրոսյանի անվան շախմատի տանն ընթացող Կարեն Ասրյանի հուշամրցաշարին այս տարի մասնակցում են 8 երկրների (Հայաստան, Բրազիլիա, Հնդկաստան, Իրան, Ղազախստան, Ֆիլիպիններ և ՖԻԴԵ-ի դրոշի տակ հանդես եկող ռուս շախմատիստներ) 98 մասնակից, որոնցից՝ 9-ը գրոսմայստեր։ 13-րդ հուշամրցաշարի մասնակիցներից ամենաբարձր վարկանիշն ունի Հայաստանի շախմատի հավաքականի անդամ Հրանտ Մելքումյանը: Հուշամրցաշարն անցկացվում է շվեյցարական մրցակարգով և բաղկացած է 9 տուրից:
