27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Քննարկում Մաշտոցի պուրակում՝ քաղբանտարկյալներին ազատ արձակելու շուրջ. ՏԵՍԱՆՅՈՒԹ
Հասարակություն
07.05.2018 | 19:45
Այսօր Մաշտոցի պուրակում անցկացվել են բաց քննարկումներ՝քաղբանտարկյալներին ու «Սասնա Ծռերին» ազատ արձակելու թեմայի շուրջ։
Նշենք, որ այսօր դատարանը բավարարեց կալանքը փոխելու փաստաբանների միջնորդությունը և «Նոր Հայաստան» ընդդիմադիր շարժման անդամ Անդրիաս Ղուկասյանին երկրից չբացակայելու ստորագրությամբ ազատ արձակեց։
Փաստաբան Արայիկ Պապիկյանը Factor.am-ի հետ զրույցում նշեց, որ սա լավ սկիզբ է, հեղափոխության հաղթանակի սկիզբը․ «Սա ցույց տվեց, որ մենք ձերբազատվում ենք այն ռեժիմից, որի պատվերով բանտերը լցված են քաղբանտարկյալներով։ Ես հավատում եմ, որ կարճ ժամանակ հետո բոլոր քաղբանտարկյալները պետք է հայտնվեն ազատության մեջ»։
Իրավապաշտպան, փաստաբան Նինա Կարապետյանցը ևս հույսեր է կապում դատավորների հետ․ «Հուսով եմ՝ նրանք ունակ կլինեն կայացնել նմանատիպ որոշումներ և կունենան սթափ գիտակցում, որը մինչ այժմ չեն ունեցել՝ մտավախություն ունենալով, որ արդեն նախորդ ռեժիմը կհետապնդի իրենց»։
Մանրամասները՝ տեսանյութում։
