08.09.2026 | 11:31
Հանձնարարական եմ տվել. Երևանում մարզային տրանսպորտով չպետք է ուղևորափոխադրումներ իրականացվեն. Ավինյան․ ՏԵՍԱՆՅՈՒԹ
Ապրիլի 1-ից ներդրվել է ապրանքների հայտարարագրերի գրանցման էլեկտրոնային համակարգը. ՊԵԿ
Տնտեսություն
07.05.2018 | 19:01
Պետական եկամուտների կոմիտեի նախաձեռնությամբ, 2018թ. ապրիլի 1-ից ներդրվել է ապրանքների հայտարարագրերի գրանցման էլեկտրոնային համակարգը:
Այս մասին տեղեկացնում են Պետական եկամուտների կոմիտեի տեղեկատվության և հասարակայնության հետ կապերի բաժնից։
Էլեկտրոնային հայտարարագրին կից ներկայացվող փաստաթղթերը հայտարարատուն հնարավորություն ունի իր էլեկտրոնային արխիվից ներբեռնել և կցել հայտարարագրին: Բացի այդ, հայտարարատուին հնարավորություն է տրված, մաքսային վճարների համապատասխան հաշիվների վրա առկա դրական մնացորդից ինքնուրույնաբար մարելու էլեկտրոնային հայտարարագրի հիման վրա կատարման ենթակա վճարման պարտավորությունները: Արդյունքում՝ ռիսկերի կառավարման համակարգի կողմից «կանաչ ուղու» ընտրության, այսինքն՝ առանձնահատուկ հսկողության ենթակա ռիսկեր չհայտնաբերվելու դեպքում, հայտարարագրման գործընթացն իրականացվում է առանց մաքսային հայտարարագրի և դրանում առկա տեղեկությունները հիմնավորող փաստաթղթերի թղթային տարբերակները ներկայացնելու կամ վճարումներ կատարելու համար մաքսատուն այցելելու անհրաժեշտության:
Էլեկտրոնային հայտարարագրման համակարգի ներդրման համատեքստում նույն ժամանակահատվածում ներդրված «Փաստաթղթերի էլեկտրոնային արխիվը» թույլ է տալիս մաքսային գործառնություններն իրականացնել բացառապես էլեկտրոնային տեսք կամ ձև ունեցող փաստաթղթերի միջոցով և ձևավորել փաստաթղթերի էլեկտրոնային շտեմարան:
