14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Համաշխարհային բանկը նվազեցրել է 2022-ի ՀՀ տնտեսական աճի կանխատեսումը
Տնտեսություն
08.06.2022 | 13:22
Համաշխարհային բանկի կանխատեսմամբ՝ Հայաստանում 2022 թվականին տնտեսական աճը կկազմի 3,5 %, իսկ 2023-ին` 4,6%: Այս մասին տեղեկանում ենք ՀԲ-ի Գլոբալ տնտեսական հեռանկարներ զեկույցից։ Այսպիսով՝ Համաշխարհային բանկը տարեսկզբի համեմատ նվազեցրել է ՀՀ տնտեսական աճի վերաբերյալ իր կանխատեսումը 1,3 %-ով։ Հունիսյան զեկույցը կանխատեսում է, որ Եվրոպայի և Կենտրոնական Ասիայի տարածաշրջանի տնտեսությունը 2022 թվականին կնվազի մոտ 3%-ով՝ հաշվի առնելով Ուկրաինայում ընթացող պատերազմը և դրա հետևանքները:
Զեկույցում նշվում է, որ Ուկրաինայի դեմ պատերազմը և Ռուսաստանի նկատմամբ կիրառվող պատժամիջոցները հարվածում են աշխարհի տնտեսություններին, ընդ որում` հիմնական ազդեցությունը կկրեն Եվրոպայի և Կենտրոնական Ասիայի տարածաշրջանի զարգացող տնտեսությունները։ Ուկրաինայի համար 45.1 տոկոսանոց տնտեսական անկում է կանխատեսվում, թեև կրճատման մեծությունը կախված կլինի պատերազմի տևողությունից և ինտենսիվությունից, իսկ Ռուսաստանում տարեսկզբի համեմատ կանխատեսումը նվազեցվել է 11,3 %-ով։
Անժելա Պողոսյան
