08.06.2026 | 13:08
Հիմա հենց այն ժամանակն է, որ Եվրամիությունն իրական աջակցություն ցուցաբերի Հայաստանին․ Զելենսկին շնորհավորել է Նիկոլ Փաշինյանին
Համայնքների 5-ամյա ծրագրերը «նկարած» են մեծ մասամբ․ Փարաքարի փոխհամայնքապետ․ ՏԵՍԱՆՅՈՒԹ
Տնտեսություն
08.06.2022 | 13:02
ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովը կազմակերպել է խորհրդարանական լսումներ` ««Հայաստանի Հանրապետության վարչատարածքային բաժանման մասին» օրենքում փոփոխություններ կատարելու մասին» ՀՀ օրենքի նախագծի վերաբերյալ:
«Մենք պետք է առերեսվենք այն խնդիրների հետ, որոնց մասին հաճախ չենք խոսում: Եկեք փաստենք, որ համայնքների հնգամյա ծրագրերը մեծ մասամբ «նկարած» փաստաթղթեր են»,- նշեց Փարաքար համայնքի ղեկավարի տեղակալ Գոռ Սարիբեկյանը՝ դիմելով ՏԿԵ նախարարի տեղակալ Վաչե Տերտերյանին:
«Համայնքները չունեն նման փաստաթղթեր կազմելու համար կոմպետենտ մասնագետներ, և հնգամյա զարգացման պլանը հիմնավոր վերլուծությամբ չի կատարվում:
Առաջարկս հետևյալն է՝ հնարավո՞ր է կառավարության կողմից հավելյալ միջոցներ ներգրավել՝ հնգամյա զարգացման ծրագրերը պատշաճ կարգով իրականացնելու համար՝ ավելի խոր մասնագիտական վերլուծություն կատարելով: Պետք է մտածել նաև երկարաժամկետ հեռանկարային զարգացման ծրագրեր նախապատրաստելու մասին»,- նշեց փոխհամայնքապետը:
«Երկարաժամկետ ծրագիր ունենալը ողջունելի է, ոչ ոք համայնքներին չի խանգարում ունենալ 15 կամ 20 տարվա տեսլական,- նշեց ՏԿԵ նախարար Վաչե Տերտերյանը: -Իսկ հնգամյա զարգացման ծրագիրը օրենքով կանոնակարգել ենք, դարձրել ենք անհրաժեշտ, պարտադիր իրողություն: Ինչ վերաբերում է նրան, որ ունակություններ ունեցող մասնագետներ չկան, համայնքների խոշորացման մի փաստարկն էլ այն է, որ շատ ավելի հեշտ է ձևավորել ունակություններ 79 համայնքում, քան թե 933 համայնքում: Մենք նաև մտցրել ենք ծրագրային բյուջեի գաղափար»:
Մանրամասները՝ տեսանյութում:
