08.06.2026 | 13:08
Հիմա հենց այն ժամանակն է, որ Եվրամիությունն իրական աջակցություն ցուցաբերի Հայաստանին․ Զելենսկին շնորհավորել է Նիկոլ Փաշինյանին
ԱՄՆ-ն Ուկրաինային 4 մլրդ դոլարի սպառազինություն ու ռազմական տեխնիկա է մատակարարել
Քաղաքականություն
08.06.2022 | 12:45
ԱՄՆ Կոնգրեսի տվյալների համաձայն՝ հունիսի սկզբին Վաշինգտոնն Ուկրաինային մատակարարել է ավելի քան 4 միլիարդ դոլար արժողությամբ սպառազինություն և ռազմական տեխնիկա, գրում է «Ինտերֆաքսը»։
Նշվում է, որ փետրվարի 24-ից մինչ օրս Կիևը ստացել է ավելի քան 6,5 հազար Javelin շարժական հակատանկային հրթիռային համալիր և 20,000 AT-4 նռնականետ՝ թեթև զրահապատ թիրախների դեմ պայքարելու համար, ավելի քան 1400 Stinger դյուրակիր զենիթահրթիռային համալիր, 108 M777 հաուբից և րանց համար նախատեսված 220 արկ:
Բացի այդ՝ ԱՄՆ-ն Ուկրաինա է ուղարկել 4 միավոր HIMARS հրթիռային կայանք, Phoenix Ghost մարտավարական հարվածային 121 միավոր անօդաչու թռչող սարք և 700 միավոր Switchblade կամիկաձե անօդաչու սարք:
Կիևը Վաշինգտոնից նաև ստացել է ավելի քան 200 M113 զրահափոխադրիչ, մի քանի հարյուր Humvee զրահապատ ամենագնացներ, խորհրդային արտադրության 20 Մի-17 ուղղաթիռ, 7200 միավոր հրազեն և 50 մլն փամփուշտ, AN/TPQ-36 ռադարներ և մեծ քանակությամբ կապի և հետախուզական այլ սարքավորումներ։
Սպառազինության մեծ մասը ծանր տրանսպորտային ինքնաթիռների օգնությամբ հասցվել է սահմանից 90 կմ հեռավորությամբ գտնվող լեհական Ժեշուվ քաղաք, այնուհետև՝ Ուկրաինա։
Էմմա Չոբանյան
