17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
Չեռնոգորիայի ԱԳ նախարարը Լավրովին խորհուրդ է տվել Սերբիա հասնել գնացքով
Քաղաքականություն
07.06.2022 | 20:37
Չեռնոգորիայի արտաքին գործերի նախարար Ռանկո Կրիվոկապիչն անխուսափելի է անվանել Ռուսաստանի ՌԴ ԱԳ նախարար Սերգեյ Լավրովի ինքնաթիռի թռիչքը երկրի օդային տարածքով արգելելու որոշումը, գրում է swissinfo-ն։
«Չեռնոգորիան, արգելելով Լավրովի ինքնաթիռի թռիչքը, կատարել է իր ստանձնած պարտավորությունները։ Այդ որոշումն անխուսափելի էր»,- ասել է նախարարը։
Նա նշել է, որ իրեն զարմացրել է նման որոշման կապակցությամբ բուռն արձագանքը՝ հավելելով, որ Լավրովը կարող էր Բելգրադ հասնել գնացքով, քանի որ Մոսկվա-Բելգրադ երթուղում գնացքների երթևեկությունն արգելված չէ։
Պատասխանելով հարցին, թե ո՞վ է որոշում կայացրել Լավրովի թռիչքի համար փակել երկրի օդային տարածքը, Կրիվոկապիչը նշել է, որ պաշտոնապես որոշումը կայացրել են Չեռնոգորիայի կառավարությունն ու Արտաքին գործերի նախարարությունը։ Նա հավելել է, որ վարչապետը տեղեկացվել է այդ մասին։
Հիշեցնենք, որ ՌԴ ԱԳ նախարար Սերգեյ Լավրովի Սերբիա կատարելիք այցը չեղարկվել էր, քանի որ Բուլղարիան, Հյուսիսային Մակեդոնիան և Չեռնոգորիան արգելել էին նրա ինքնաթիռի թռիչքն իրենց օդային տարածքով։
Էմմա Չոբանյան
