08.06.2026 | 07:53
Ամփոփվել են 1596 ընտրատեղամասերից ստացված նախնական արդյունքները. ԿԸՀ
Հունաստանի վարչապետը Թուրքիային կոչ է արել հրաժարվել ագրեսիվ հռետորաբանությունից և չսրել լարվածությունը
Քաղաքականություն
07.06.2022 | 19:26
Հունաստանի վարչապետ Կիրիակոս Միցոտակիսն Անկարային կոչ է արել չսրել լարվածությունը Աթենքի հետ՝ ագրեսիվ հռետորաբանությունը գործի վերածելով, միաժամանակ հավելելով, որ «ամեն դեպքում, Հունաստանը պատրաստ է պաշտպանել իր ինքնիշխանությունն ու ինքնիշխան իրավունքները», գրում է ekathimerini-ն։
«Մենք ունենք թռիչքների տարափ, նաև նրանք պարբերաբար առաջ են քաշում հունական կղզիների նկատմամբ ինքնիշխանության նվազման փաստարկը։ Նման հռետորաբանությունը ոչ մի տեղ չի տանում։ Ես ցանկանում եմ, հույս ունեմ և կոչ եմ անում Թուրքիային՝ այդ հռետորաբանությունը չվերածել դաշտում ավելի մեծ լարվածության»,- ասել է Միցոտակիսը։
Նա նշել է, որ կարծում է, թե հեռու են 2020 թվականի կետից։
«Մեր երկրի պարտքն է՝ խոսել այդ սադրանքների մասին, փնտրել մեր դաշնակիցների աջակցությունը՝ անկախ նրանից՝ մենք խոսում ենք Միացյալ Նահանգների՞, թե՞ Եվրամիության մասին»,- ասել է Միցոտակիստ՝ ի պատասխան այն բանի, որ Հունաստանի նկատմամբ Թուրքիայի դիրքորոշումը կտրուկ սրվեց անցյալ ամիս Հունաստանի կառավարութան ղեկավարի Վաշինգտոն կատարած հաջող այցից հետո:
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, թե Հունաստանի վարչապետն իր համար այլևս գոյություն չունի և նրան մեղադրել էր ԱՄՆ կատարած այցի ժամանակ Անկարային F-16 կործանիչների վաճառքն արգելափակելու փորձի մեջ։
Էմմա Չոբանյան
