17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Թուրքիայում հայտարարել են, որ համակարգող դեր են կատարում Ուկրաինայից հացահատիկի արտահանման հարցում
Քաղաքականություն
07.06.2022 | 17:54
Թուրքիան ներկայում Ուկրաինայի նավահանգիստներից հացահատիկի արտահանման հարցում համակարգողի դեր է կատարում։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է ՏԱՍՍ-ը։
Նա նաև ասել է, որ Ռուսաստանը, Ուկրաինան, Թուրքիան և ՄԱԿ-ը շարունակում են քննարկել այն մանրամասները, թե ինչպես ուկրաինական նավահանգիստներից հացահատիկը հասցվի համաշխարհային շուկա։
«Մենք փորձում ենք գործընթացը որքան հնարավոր է՝ շուտ ավարտել։ Մենք բանակցում ենք Ռուսաստանի և Ուկրաինայի հետ, նաև բանակցում ենք ՄԱԿ-ի հետ: Այս գործընթացում մեծ առաջընթաց է գրանցվել, այժմ աշխատանքներ են տարվում՝ պարզելու, թե ովքեր են ներգրավվելու ուկրաինական նավահանգիստների ականազերծման գործում, ով է արտահանելու հացահատիկը, ով է ստեղծելու միջանցք և ով է ուղեկցելու նավերը։ Այս փուլում մենք համակարգող դեր ենք կատարում»,- ասել է Աքարը։
Հավելենք, որ նախօրեին մամուլում տեղեկություններ տարածվեցին, որ Թուրքիան և ՌԴ-ն նախնական համաձայնության են հասել հացահատիկի փոխադրման հարցով, որի պայմաններին դեմ է Ուկրաինան։ ՌԴ ԱԳ նախարար Սերգեյ Լավրովը վաղը Թուրքիա կատարելիք այցի ընթացքում ևս այս թեման քննարկելու է։
Էմմա Չոբանյան
