17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Անկարայում Իտալիայի դեսպանը կանչվել է Թուրքիայի ԱԳՆ
Քաղաքականություն
07.06.2022 | 15:01
Թուրքիայում Իտալիայի դեսպան Ջորջիո Մարրապոդին կանչվել է երկրի ԱԳՆ՝ Իտալիայում Քուրդիստանի աշխատավորական կուսակցության (PKK) գործունեության հետ կապված։ Այս մասին հայտնում են Թուրքիայի ԱԳՆ դիվանագիտական աղբյուրները, գրում է «Անադոլու» գործակալությունը։
Նշվում է, որ իտալացի դիվանագետին փոխանցվել է թուրքական կողմի դժգոհությունը հունիսի 4-ին Հռոմում PKK-ի աջակիցների կողմից կազմակերպված ակցիայի առնչությամբ՝ չնայած Իտալիայում Թուրքիայի դեսպանատան բողոքներին։
ԱԳՆ-ն անընդունելի է անվանել «PKK-ի ահաբեկիչների համար հասարակական կազմակերպության քողի տակ հանրային տարածքում իրենց «սև քարոզչությունն» իրականացնելու հնարավորություն ստեղծելը»: Նշվել է նաև, որ անընդունելի է, որ «ահաբեկչական խմբավորման» ղեկավարին Իտալիայի քաղաքների քաղաքապետարանները պատվավոր քաղաքացու կոչում են շնորհում։
Թուրքիայի ԱԳՆ-ն կոչ է արել Իտալիայի իշխանություններին կանխել PKK-ի անդամների և աջակիցների նման գործողությունները։
Էմմա Չոբանյան
