15.09.2026 | 16:53
Ըստ ՔԿ-ի՝ տղամարդը կնոջը դուրս է գցել ընթացող մեքենայից՝ 4-ամյա դստեր ներկայությամբ
Ուկրաինայի իշխանությունները հայտնել են, որ Մարիուպոլում կարող է խոլերա բռնկվել
Քաղաքականություն
06.06.2022 | 21:46
Ռուս զինվորականների կողմից գրավված Մարիուպոլում նոր իշխանությունները կարանտին են սահմանում խոլերայի բռնկման վտանգի պատճառով։ Այս մասին հայտարարել է Մարիուպոլի քաղաքապետի խորհրդական Պյոտր Անդրյուշչենկոն, գրում է BBC-ի ռուսական ծառայությունը։
«Մենք հետևում ենք՝ ինչպես է քաղաքի փակվում։ Բացի այդ, տեղեկություններ են ստացվում այն մասին, որ ռուսական կողմը Դոնի Ռոստովում արդեն առանձին ինֆեկցիոն բաժանմունքներ է պատրաստել, որտեղ ընդունելու են իրենց զինվորականներին, ովքեր կարող են հիվանդանալ համաճարակի պատճառով։ «Խոլերա» բառը հնչում է քաղաքում՝ օկուպացիոն իշխանությունների շրջանում»,- ասել է նա։
Անդրյուշչենկոյի խոսքով՝ պարզապես քաղաքը փակելը համաճարակի դեմ պայքարի «ամենացինիկ տարբերակն է»։
Մարիուպոլը մայիսից գտնվում է ռուսական բանակի վերահսկողության տակ։ Անդրյուշչենկոն հավելել է, որ այնտեղ հումանիտար իրավիճակը գնալով վատանում է. Մարիուպոլի բնակիչները խմելու ջուր են ստանում երկու օրը մեկ անգամ, սննդի հետ կապված խնդիրներ կան։ Քաղաքում ջրամատակարարման բացակայության պատճառով վարակիչ հիվանդությունների բռնկման վտանգ կա։
Ռուսական կողմը չի մեկնաբանել քաղաքում խոլերայի կամ այլ հիվանդությունների բռնկման վտանգի մասին տեղեկությունները։
