20.08.2026 | 09:40
ՀՀ տարածքում ավտոճանապարհներն անցանելի են
30 տարվա ընդմիջումից հետո վերականգնվել է Դուշանբե-Տաշքենդ մարդատար գնացքների երթևեկությունը
Քաղաքականություն
06.06.2022 | 18:17
Դուշանբե-Տաշքենդ երթուղով մարդատար գնացքների շարժը 30 տարվա դադարից հետո վերականգնվել է։ Առաջին երթևեկությունը նախատեսված է հունիսի 20-ին, հաղորդել է Տաջիկստանի ազգային Khovar լրատվական գործակալությունը, որին վկայակոչում է ՏԱՍՍ-ը։
«2022 թվականի հունիսի 20-ից վերսկսվում է 90-ականների սկզբին դադարեցված Դուշանբե-Տաշքենդ երթուղով մարդատար գնացքի շարժը»,- ասվում է հաղորդագրության մեջ։
Գործակալության տվյալներով՝ ուղևսորները Դուշանբեից Տաշքենդ կարող են հասնել 21 ժամում։
Ավելի վաղ հաղորդվել էր, որ Տաջիկստանի նախագահ Էմոմալի Ռահմոնը և Ուզբեկստանի նախագահ Շավքաթ Միրզիոևը Տաշքենդում կայացած բանակցություններում պայմանավորվել են ձևավորել նոր տարանցիկ միջանցքներ և ստեղծել ժամանակակից լոգիստիկ ենթակառուցվածք, ավելացնել օդային, երկաթուղային և ավտոբուսային փոխադրումները։ Երկու երկրների շուրջ 20 հազար քաղաքացիներ ամեն օր հատում են ընդհանուր պետական սահմանը։
