27.02.2026 | 23:31
Ստեփանծմինդա-Լարս ավտոճանապարհը փակ է
ՌԴ-ն Ուկրաինայում ևս մեկ գեներալ է կորցրել
Քաղաքականություն
06.06.2022 | 16:55
Ուկրաինայում ռազմական գործողությունների ժամանակ զոհվել է ռուս գեներալ-մայոր Ռոման Կուտուզովը, գրում է The Insider-ը։
Նրա մահվան մասին լուրերը սկսեցին տարածվել նախօրեին։ Ի սկզբանե մահվան մասին հայտնել էին ուկրաինական ԶԼՄ-ը, տեղեկությունը հրապարակվել էր նաև Օդեսայի տարածաշրջանային ռազմական վարչակազմի խոսնակ Սերգեյ Բրաչուկի թելեգրամյան ալիքում։ Այնուհետև ռուս գեներալի մահվան մասին լուրը հրապարակել են նաև ռուսական ԶԼՄ-երը՝ վկայակոչելով ВГТРК-ի ռազմական լրագրող Ալեքսանդր Սլադկովի թելեգրամյան գրառմանը։
Իր հերթին «Ռազմական տեղեկատու» Telegram ալիքը գրում է, որ Կուտուզովը մահացել է Դոնեցկի Պոպասնյանսկի շրջանի Նիկոլաևկա գյուղի մոտ մարտական առաջադրանք կատարելիս։ Այլ տվյալներով՝ գեներալի մարմինը հայտնաբերվել է Դոնեցկի մարզի Բերեստովոյե գյուղի մոտ։
Հիշեցնենք, որ մայիսի սկզբին ԱՄՆ հետախուզությունը հայտնել էր, որ Ուկրաինայում 8-10-ը ռուս գեներալ է զոհվել։
Էմմա Չոբանյան
