18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
Երևանում մեկնարկեց ՀԱՊԿ ԽՎ խորհրդի նիստը
Քաղաքականություն
06.06.2022 | 16:01
Կարեն Դեմիրճյանի անվան մարզահամերգային համալիրում հունիսի 6-ին մեկնարկեց Հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստը։
Ինչպես տեղեկացնում է «Արմենպրես»-ի թղթակիցը, խորհրդի նիստին մասնակցելու են ՀԱՊԿ անդամ երկրների 128 պատվիրակներ: Նիստի ընթացքում ՀԱՊԿ խորհրդարանական վեհաժողովի նախագահ, Ռուսաստանի Դաշնության Դաշնային ժողովի Պետական դումայի նախագահ Վյաչեսլավ Վոլոդինը կներկայացնի Հայաստանի Հանրապետության գործունեությունը մարտահրավերներին և անվտանգության սպառնալիքներին դիմակայելու ուղղությամբ` նախագահական գերակայությունների իրականացման համատեքստում։ ՀԱՊԿ ԽՎ խորհրդի անդամ, ՀՀ ազգային ժողովի նախագահ Ալեն Սիմոնյանը իր հերթին կանդրադառնա ՀԱՊԿ Հավաքական անվտանգության խորհրդի 2021 թվականի սեպտեմբերյան նստաշրջանի որոշումների կատարման ընթացքի և կազմակերպության հաշվետու ժամանակահատվածի գործունեությանը։
ՀԱՊԿ գլխավոր քարտուղար Ստանիսլավ Զասը իր հերթին կխոսի ՀԱՊԿ անդամ պետությունների խաղաղապահ գործունեության իրավական ապահովման կատարելագործման միջոցառումների մասին։ ՀԱՊԿ ԽՎ պաշտպանության և անվտանգության հարցերի մշտական հանձնաժողովի նախագահ, ՌԴ Դաշնային ժողովի պետական դումայի անվտանգության և կոռուպցիայի հակազդման նախագահի տեղակալ Անատոլի Վիբորնին կներկայացնի ՀԱՊԿ անդամ պետությունների ժողովրդավարական ընտրությունների, ընտրական գործընթացների և ինքնիշխանության պաշտպանության իրավական ստանդարտի մշակման մարտահրավերները հասարակական-քաղաքական ոլորտում։
Նիստի ընթացքում կքննարկվի 2021-2025 թվականների ռազմավարությունը, ՀԱՊԿ ԽՎ գործունեության ֆինանսավորումը և կառույցի գործունեությանն առնչվող մի շարք այլ հարցեր։
