Զարեհ Սինանյանը հանդիպումներ է ունեցել Միչիգանի հայ համայնքի հետ

Լուրեր

19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
19.11.2026 | 13:29
Փաշինյանը՝ դեկտեմբերի 3-ին սպասվող Պուտինի հետ հանդիպման մասին․ ՏԵՍԱՆՅՈՒԹ
19.11.2026 | 13:21
Ռուսաստանի հավաքականը չի մասնակցի Եվրո-2028-ին
19.11.2026 | 13:14
Չեմ բացառում` վարչապետից մինչև թաղապետի պաշտոն կարող եմ զբաղեցնել. Ալեն Սիմոնյան․ ՏԵՍԱՆՅՈՒԹ
19.11.2026 | 13:06
«Խոսրովի անտառ» արգելոցի ֆոտոթակարդները կրկին կովկասյան ընձառյուծ են արձանագրել
19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
19.11.2026 | 12:41
Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
19.11.2026 | 12:30
Էդպես հեգնել եք լողով զբաղվելը, դրա համար մարզեր կան, որ լողավազան չունեն․ նախարարը՝ ընդդիմադիրներին․ ՏԵՍԱՆՅՈՒԹ
19.11.2026 | 12:25
Բռնցքամարտի Մ-23 ԵԱ. Վաղարշակ Քեյանը և Դավիթ Սիմոնյանը մեկնարկել են հաղթանակով. ՏԵՍԱՆՅՈՒԹ
19.11.2026 | 12:19
Նիկոլ Փաշինյանի ճեպազրույցը՝ ՈՒՂԻՂ
19.11.2026 | 12:16
Ուկրաինան հարվածել է Թաթարստանում նավթամղիչ կայանին
Բոլորը

ՀՀ սփյուռքի գործերի գլխավոր հանձնակատար Զարեհ Սինանյանն աշխատանքային այցով գտնվում է Ամերիկայի Միացյալ Նահանգներում: Առաջին անգամ Գլխավոր հանձնակատարն այցելել է Միչիգան նահանգ և հանդիպումներ ունեցել հայ համայնքի կառույցների և ներկայացուցիչների հետ․ տեղեկացնում են ՀՀ սփյուռքի գործերի գլխավոր հանձնակատարի գրասենյակից։

«Այցի առաջին օրվա ընթացքում Զարեհ Սինանյանը մասնակցել է Սուրբ Հովհաննես հայկական եկեղեցու կանանց ամենամյա ընթրիքին, հանդիպել համայնքի 70 կին ակտիվ ներկայացուցիչներին և ծանոթացել նրանց աշխատանքին: Հանձնակատարը կարևորել է համայնքում կանանց ոգեշնչող գործունեությունն ու ունեցած նպաստը հայապահպանության գործում:

Այնուհետ Գլխավոր հանձնակատարն այցելել է Թագվոր և Թագուհի Մանուկյան հանգստյան տուն (Manoogian Manor), որն աջակցություն է տրամադրում հայ և օտարազգի ծերերին: Հաստատությունը հիմնադրվել է 1949 թվականին 13 հայ կանանց, ամբողջ համայնքի և Ալեք Մանուկյանի և իր տիկնոջ մեծ աջակցության շնորհիվ: Հանձնակատարը ծանոթացավ տան ամենատարեց բնակչի՝ հարյուրամյա Մարգարետի հետ, և լսեց նրա հայաստանյան այցերի պատմությունները:

Այնուհետ Գլխավոր հանձնակատարն այցելել է Սաութֆիլդ քաղաքի Սուրբ Հովհաննես հայ առաքելական եկեղեցի և կից համալիր։ Արժանապատիվ Տեր Արեն Ջեբեջյանը և Արմաշ քահանա Բաղդասարյանը Գլխավոր հանձնակատարին ներկայացրել են եկեղեցու պատմությունն ու գործունեությունը։ Եկեղեցին հայտնի է իր մեծ ոսկե գմբեթով, ընդարձակ եկեղեցական համալիրում են գտնվում ծխական խորհուրդը, կանանց գիլդիան, Կոմիտասի երգչախումբը, եկեղեցու կիրակնօրյա դպրոցը, Ամերիկայի հայկական եկեղեցու երիտասարդական կազմակերպությունը (ACYOA), Դեթրոյթի կրտսեր և ավագ մասնաճյուղերը, տղամարդկանց միությունը և հայկական ժառանգության և մշակույթի ճեմարանը:

Ամերիկահայ վետերանների շենքը նվիրված է Երկրորդ համաշխարհային և Կորեական պատերազմների վետերաններին: Եկեղեցական տարածքում են գտնվում նաև Ալեք և Մարի Մանուկյան թանգարանը, Էդվարդ և Հելեն Մարտիկյան գրադարանը և Փերիշ գրախանութը։

Զարեհ Սինանյանն այցելել է նաև Ալեք և Մարի Մանուկյան թանգարան, որը Հյուսիսային Ամերիկայի հայկական արվեստի և մշակույթի ամենամեծ թանգարանն է: Ութ պատկերասրահները ներկայացնում են Հայաստանի անցյալի և ներկայի եզակի պատկերները, նկարներ, սրբազան անոթներ և զգեստներ, գորգեր, կենցաղային և անձնական իրեր, վաղ տպագիր գրքեր, ձեռագրեր, գործվածքներ և հնագույն իրեր։

Հանձնակատարի հաջորդ այցը ՀԲԸՄ Ալեք և Մարի Մանուկյան դպրոց էր: Այն գտնվում է Միչիգան նահանգի Սաութֆիլդ քաղաքում և առաջարկում է անվճար, բազմամշակութային կրթություն: Դպրոցում ուսանում են նախադպրոցական տարիքից մինչև 12-րդ դասարանի աշակերտներ՝ բոլոր դասարանների համար հայոց լեզվի ուժեղացված ծրագրով: ՀԲԸՄ Ալեք և Մարի Մանուկյան վարժարանի միջին և ավագ դպրոցի ծրագրերը «U.S. World & News Report»-ի կողմից դասվել են ԳՏՃՄ+արվեստ (STEAM) կրթական մոտեցմամբ կենտրոնացած և քոլեջի նախապատրաստող դպրոցներ: Շրջայցի ընթացքում ավագ դպրոցի տնօրեն դոկտոր Հովսեփ Թորոսյանը ցույց է տվել STEAM ծրագրի համար դպրոցի վերջին ընդլայնումը, որը շուտով կունենա լիարժեք գործող ռոբոտաշինության արհեստանոց: Զարեհ Սինանյանը հնարավորություն է նաև ունեցել զրուցել հայերենի 12-րդ դասարանի աշակերտների հետ և նրանց ծանոթացրել մեր գրասենյակի աշխատանքին և Հայաստանում երիտասարդների հնարավորություններին։

Միչիգան այցի ավարտին Գլխավոր հանձնակատարը հանդիպում է ունեցել Մեծ Դեթրոյթի շրջանի տարբեր հայկական կազմակերպությունների, եկեղեցական և եկեղեցու տարածքում գործող կառույցների, կրթական, մշակութային միությունների ղեկավարների հետ։ Հանդիպման ընթացքում հանձնակատարը ներկայացրել է գրասենյակի ծրագրերը՝ ընդգծելով մասնագիտական հայրենադարձության կարևորությունը և պետական համակարգում բարձր որակավորում ունեցող աշխատակիցների անհրաժեշտությունը։

Զարեհ Սինանյանն ընդգրկուն անդրադարձ է կատարել նաև Հայաստան-սփյուռք գործակցության ներկայիս մարտահրավերներին և գրասենյակի կողմից սփյուռքի հետ առողջ հարաբերությունների ստեղծման և խորացման աշխատանքներին:

Հանդիպումը շարունակվել է հարցուպատասխանի ձևաչափով:

Արժանապատիվ Տեր Արեն Ջեբեջյանը շնորհակալություն է հայտնել Գլխավոր հանձնակատարին այցի և հանդիպումների համար՝ կարևորելով համայնքի հետ տեղում աշխատանքը:

Զարեհ Սինանյանն Էդվարդ և Հելեն Մարտիկյան գրադարանում հարցազրույց է տվել նաև «Armenian Mirror-Spectator» լրատվամիջոցի ներկայացուցիչներ Էդմոն Ազատյանին և Հարրի Կեզելյանին: Խորքային անդրադարձ է կատարվել Հայաստան-սփյուռք հարաբերություններին և գրասենյակի գործունեությանը»,- ասված է հաղորդագրությունում։