19.12.2025 | 22:08
Ուկրաինան պնդում է, որ հարձակվել է Միջերկրական ծովում Ռուսաստանի «ստվերային նավատորմին» պատկանող լցանավի վրա
Լավրովն Անկարայում կարող է քննարկել Սիրիայում Թուրքիայի նոր ռազմական գործողության հարցը
Քաղաքականություն
06.06.2022 | 15:59
ՌԴ նախագահի մամուլի խոսնակ Դմիտրի Պեսկովը չի բացառել, որ ՌԴ ԱԳ նախարար Սերգեյ Լավրովն Անկարա կատարելիք այցի ընթացքում կարող է քննարկել Սիրիայում թուրքական ռազմական գործողության թեման, գրում է ՏԱՍՍ-ը։
«Այն, որ այդ թեման, հավանաբար, քննարկվելու է նախարարի կողմից իր առաջիկա շփումների ընթացքում, դա կարելի է ենթադրել բարձր աստիճանի վստահությամբ»,- ասել է Պեսկովը լրագրողների հետ զրույցում։
Հարցին, թե ըստ լուրերի՝ Ռուսաստանը և նրա դաշնակիցները Սիրիայում ամրապնդել են իրենց դիրքերը մի քանի քաղաքների շուրջ, որտեղ Անկարան գործողություն է ծրագրում, Պեսկովը պատասխանել է․ «Ես մեկնաբանություն չունեմ, ի վերջո, դուք խոսում եք Սիրիայի ինքնիշխան տարածքի մասին։ Հենց այդ պետության զինված ուժերն են, որ այս կամ այն չափով ուժեղացնում են որոշակի օբյեկտներ իրենց տարածքում»։
Հիշեցնենք, որ Լավրովը հունիսի 8-ին աշխատանքային այցով մեկնում է Անկարա, որտեղ նախատեսված են նրա բանակցությունները Թուրքիայի ԱԳ նախարար Մևլութ Չավուշօղլուի հետ։
Էմմա Չոբանյան
