18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Տեղի է ունեցել Վերարտադրողական բժշկության հայկական ասոցիացիայի 18-րդ գիտաժողովը
04.06.2022 | 17:18
Հունիսի 4-ին Առողջապահության ազգային ինստիտուտի հետ համատեղ իրականացվել է Վերարտադրողական բժշկության հայկական ասոցիացիայի 18-րդ գիտաժողովը:
Ինչպես տեղեկացնում են Առողջապահության ազգային ինստիտուտից, բացման արարողությանը ներկա էին ՀՀ ԱՆ նախարարի տեղակալ Արտակ Ջումայանը, ԱԱԻ-ի տնօրեն Ալեքսանդր Բազարչյանը, ԱԱԻ-ի Մանկաբարձության, գինեկոլոգիայի և մարդու վերարտադրողականության ամբիոնի վարիչ Էդուարդ Համբարձումյանը, ինչպես նաև Ֆրանսիայի Վերարտադրողական բժշկության ամենահայտնի գիտնականներից մեկը՝ Ռենե Ֆրիդմանը:
«Վերարտադրողական բժշկության հայկական ասոցիացիայի 18-րդ գիտաժողովը սկսվեց ԱԱԻ-ի Վերարտադրողական բժշկություն մասնագիտացմամբ դասընթացի 25 ավարտողներին ուղղված շնորհավորանքով:
ԱԱԻ-ի տնօրեն Ալեքսանդր Բազարչյանը կարևորեց նոր մասնագիտացման հնարավորությունն ու այդ գործում արտերկրի լավագույն մասնագետների հետ հաջող համագործակցությունը:
Դասընթացը վարել են աշխարհի 30 երկրների վերարտադրողական առողջության ոլորտի վաստակաշատ ու անվանի պրոֆեսորներ:
ԱԱԻ-ի Մանկաբարձության, գինեկոլոգիայի և մարդու վերարտադրողականության ամբիոնի վարիչ Էդուարդ Համբարձումյանն ուրախություն հայտնեց ԱԱԻ-ի կատարած մեծ աշխատանքի արդեն տեսանելի արդյունքների համար և նշեց, որ արդեն մեկնարկել է նոր մասնագիտացում ստանալու դասընթացի 2-րդ հոսքը»,- ասված է հաղորդագրության մեջ:
