Մյասնիկյան-Դալարիկ տանող ճանապարհին մեքենան շրջվել է և հայտնվել դաշտում․ կա տուժած
![](https://factor.am/wp-content/uploads/2021/09/աին-վթար.jpg)
Հունիսի 4-ին՝ ժամը 11:42-ին, Արմավիրի մարզային ճգնաժամային կառավարման կենտրոն ահազանգ է ստացվել, որ Մարշալ Բաղրամյանի անվան ուսումնական զորամասի մոտակայքում ՃՏՊ է տեղի ունեցել, կա տուժած. անհրաժեշտ է փրկարարների օգնությունը:
Ինչպես տեղեկացրին ՀՀ ԱԻՆ-ից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մյասնիկյան-Դալարիկ տանող ավտոճանապարհի 3-րդ կմ-ի աջակողմյան հատվածում ավտոմեքենան, դուրս գալով ճանապարհի երթևեկելի հատվածից, շրջվել է և հայտնվել դաշտում:
Փրկարարները «Gaz2124» մակնիշի ավտոմեքենայի վարորդ Ա․ Ա․-ին (ծնված 1960 թ.) դուրս են բերել մեքենայից և մոտեցրել շտապօգնության ավտոմեքենային։ Տուժածը տեղափոխվել է Արմավիրի ԲԿ: