28.07.2026 | 15:00
Պեսկովն ասել է, թե Փաշինյանը Պուտինին չի հայտնել ԵՄ-ին Հայաստանի անդամակցության հանրաքվեի անցկացման ժամկետները
ԱԺ-ում նախապատրաստվում են ընդդիմության արտահերթ նիստին․ ԼՈՒՍԱՆԿԱՐՆԵՐ
Քաղաքականություն
03.06.2022 | 15:40
Ազգային ժողովի շենքում նախապատրաստվում են ընդդիմադիրների հրավիրած արտահերթ նիստին, որին իշխանական ՔՊ խմբակցությունը հրաժարվել էր մասնակցել։ Նկատվում է ուժեղացված հսկողություն։ Factor.am-ի թղթակիցը արձանագրել է, որ անվտանգության աշխատակիցները խորհրդարանի շենքի բակում հերթական անգամ տեղադրում են լուսաձայնային նռնակներ, ինչը սովորաբար արվում է Նիկոլ Փաշինյանի ԱԺ այցերից առաջ, այսօր վարչապետի այց նախատեսված չէ, սակայն խորհրդարանական ընդդիմությունն արտահերթ նիստին զուգահեռ, որը նախատեսված է ժամը 16։00-ին, իր համախոհներին կոչ է արել հավաքվել Ֆրանսիայի հրապարակում, քանի որ «ջրբաժանի օր» է։
Անվտանգության աշխատակիցները ԱԺ-ի շենքի որոշ հատվածներում տեղադրել են սարքավորումներ, (լուսանկարում) ինչից հետո ինտերնետ կապի հետ խնդիրներ են առաջացել։ Նկատեցինք, որ ԱԺ լիագումար դահլիճի մուտքի մոտ, որտեղ 8-րդ գումարման խորհրդարանի աշխատանքների մեկնարկից սկսած մետաղորսիչներ են տեղադրվել, այսօր նաև А4 ֆորմատի թղթի վրա պատգամավորների տպագրված լուսանկարներն էին փոխանցվել անվտանգության ծառայության աշխատակիցներին։
Նարեկ Կիրակոսյան
