17.01.2026 | 14:14
Հրդեհ Տիչինայի փողոցում
Մոսկվայում բիզնես կենտրոն է այրվում․ շենքում առնվազն 15 մարդ արգելափակվել է
Քաղաքականություն
03.06.2022 | 12:15
Մոսկվայում այրվում է «Grand Setun Plaza» բիզնես կենտրոնը, որը գտնվում է քաղաքի արևմուտքում՝ Մոժայսկ թաղամասի Գորբունովա փողոցում։ Հրդեհը բռնկվել է առաջին հարկում և արագորեն տարածվել է ևս չորս հարկերում, գրում է Meduza-ն։ Կրակը տարածվել է հազար քառակուսի մետր տարածքի վրա։ Հրդեհին տրվել է առավելագույն՝ բարդության հինգերորդ մակարդակ։ Հրդեհաշիջմանը մասնակցում է մոտ 200 փրկարար։ Դեպքի վայր է ժամանել ՌԴ ԱԻՆ նախարար Ալեքսանդր Կուրենկովը։ Հրդեհի պատճառով Գորբունովա փողոցում երթևեկությունն արգելափակվել է։ Կրակն առայժմ չի հաջողվում մեկուսացնել․ հրշեջներին չի օգնում անգամ տեղացող հորդառատ անձրևը։
Աշխատակիցների ու այցելուների մեծ մասը տարհանվել է, սակայն վերին հարկերում մարդիկ կան, որոնք չեն կարողանում դուրս գալ կրակի պատճառով։ «Ինտերֆաքսի» տվյալներով՝ ներսում կարող է արգելափակված լինել մինչև 15 մարդ, ըստ ՏԱՍՍ-ի՝ մինչև 20 մարդ։ Հրդեհի ծագման պատճառները դեռ հայտնի չեն։
Էմմա Չոբանյան
