25.06.2026 | 16:45
App Store-ից հեռացվել են VK-ն, «Одноклассники»-ին և Mail.ru-ն
Տուն ստանալու նոր ծրագիր սպաների համար․ Փաշինյանը զրուցել է Իրանի նախագահի հետ․ Լուրեր
Քաղաքականություն
02.06.2022 | 13:25
- Ռազմաուսումնական հաստատություն ավարտած և սպայական ծառայության անցած զինծառայողներն անհատույց բնակարան կստանան, եթե ռազմական բուհեր ընդունվեն այս տարվա հուլիսի 1-ից հետո։ Այս մասին օրենքի նախագիծը հավանության է արժանացել կառավարության այսօրվա նիստի ժամանակ։
- Նիստի ժամանակ Փաշինյանը նաև հայտնել է, որ հուլիսի 1-ից այլևս բնակարանների և ավտոմեքենաների առք ու վաճառք կանխիկ գումարով հնարավոր չի լինելու իրականացնել։ Դրանք պետք է իրականացնել անկանխիկ։ Առողջապահության նախարար Անահիտ Ավանեսյանն էլ հայտնել է, որ hուլիսի 1-ից Երևանի ԲԿ-ներում բոլոր վճարումները իրականացվելու են միայն անկանխիկ՝ բանկային կամ այլ փոխանցումների միջոցով։
- Վարչապետ Նիկոլ Փաշինյանը հեռախոսազրույց է ունեցել Իրանի նախագահ Էբրահիմ Ռայիսիի հետ և ներկայացրել է Ադրբեջանի ղեկավար Իլհամ Ալիևի հետ հանդիպման արդյունքները, հայ-ադրբեջանական սահմանի ճշգրտման և այլ ուղղություններով աշխատանքները։ Օրակարգում եղել են նաև երկկողմ հարաբերությունների հարցեր։
- Իրանի նախագահը հեռախոսազրույց է ունեցել նաև Հայաստանի նախագահ Վահագն Խաչատուրյանի հետ։ Ռայիսին ասել է, որ Իրանն աջակցում է Հայաստանի և Ադրբեջանի միջև խաղաղության շուրջ բանակցությունների առաջընթացին։
Այս ժամի լուրերը՝ տեսանյութում։
