20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ռուսաստանում հայտարարել են ԱՄՆ-ի հետ ուղիղ բախման վտանգի մասին
Քաղաքականություն
01.06.2022 | 16:41
ՌԴ ԱԳՆ-ն հայտարարել է Ուկրաինային զենք մատակարարելու պատճառով ԱՄՆ-ի հետ ուղիղ բախման վտանգի մասին։ Հունիսի 1-ին նման հայտարարություն է արել գերատեսչության ղեկավարի տեղակալ Սերգեյ Ռյաբկովը, փոխանցում է Korrespondent-ը։
Նրա խոսքով՝ ԱՄՆ-ի զենքի մատակարարումներն Ուկրաինային, «անկախ նրանից, թե Վաշինգտոնն ինչպես է դրանք հիմնավորում», մեծացնում է ԱՄՆ-ի և Ռուսաստանի միջև ուղիղ բախման վտանգը։ Մոսկվան շարունակում է պնդել, որ ամեն դեպքում կհասնի Ուկրաինայում իր ձեռնարկած «հատուկ գործողության» նպատակներին։
«Ակնհայտ է այն փաստը, որ մի խումբ պետությունների գլխավորությամբ ԱՄՆ-ը նպատակաուղղված զենք է լցնում Կիևի ռեժիմին»,- ասել է Ռյաբկովը։
Ավելի վաղ ԱՄՆ նախագահ Ջո Բայդենը հայտարարել էր, որ Վաշինգտոնը Կիևին չի մատակարարի հեռահար MLRS հրթիռներ։ ԶԼՄ-ների տեղեկություններով՝ ԱՄՆ-ը ծրագրում է Ուկրաինային տրամադրել համազարկային կրակի ռեակտիվ համակարգեր՝ 65 կմ հրթիռային համակարգերով։
Տաթև Ֆռանգյան
