14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Միջին աշխատավարձն աճել է շուրջ 10 %-ով․ որքա՞ն է այն կազմում պետական և մասնավոր հատվածներում
Տնտեսություն
31.05.2022 | 18:15
Այս տարվա ապրիլին նախորդ տարվա նույն ամսվա համեմատ Հայաստանում միջին ամսական անվանական աշխատավարձն աճել է 9,8 %-ով՝ կազմելով շուրջ 217 հազար դրամ։ Այս մասին տեղեկանում ենք Վիճակագրական կոմիտեի հրապարակած տվյալներից։
Աշխատավարձի համեմատաբար ավելի բարձր աճ է արձանագրվել մասնավոր հատվածում՝ 11,4 %՝ կազմելով 236 հազար դրամ։ Պետական հատվածում միջին ամսական անվանական աշխատավարձը 1 տարում աճել է ընդամենը 4,3 %-ով՝ կազմելով 174 հազար դրամ։
Ընդհանուր առմամբ՝ այս տարվա հունվար-ապրիլ ամիսների միջինացված տվյալներով նախորդ տարվա նույն ժամանակահատվածի համեմատ միջին ամսական անվանական աշխատավարձն աճել է 9,7 %-ով՝ կազմելով շուրջ 214 հազար դրամ։
