09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Հազարավոր խաղաղ բնակիչներ չեն կարող լքել Սևերոդոնեցկը
Քաղաքականություն
31.05.2022 | 20:28
Ռուսական բանակի շարունակական գնդակոծությունների պատճառով Սևերոդոնեցկից դադարեցվել է խաղաղ բնակչության տարհանումը։ Նորվեգիայի փախստականների խորհրդի գլխավոր քարտուղար Յան Էգելանդը Reuters-ին ասել է, որ քաղաքը սարսափելի ավերածությունների է ենթարկվում:
«Հազարավոր քաղաքացիական անձինք չեն կարողանում լքել քաղաքը կրակոցների պատճառով։ Նրանք ջրի, սննդի, դեղորայքի և էլեկտրաէներգիայի հասանելիություն չունեն»,- հայտարարել է նա։
Անդադար գնդակոծությունը ստիպում է մարդկանց թաքնվել նկուղներում ու ռմբապաստարաններում։ Մարդիկ, ովքեր ցանկանում են լքել քաղաքը, գործնականորեն դրա հնարավորությունը չունեն։
Ավելի վաղ Լուգանսկի ղեկավար Սերգեյ Գայդայը հայտնել էր, որ քաղաքում կարող է մինչև 15․000 խաղաղ բնակիչ լինել։ Քաղաքապետ Ալեքսանդր Ստրյուկի խոսքով՝ ռազմաճակատը քաղաքը գրեթե երկու մասի է բաժանել։
Տաթև Ֆռանգյան
