26.11.2024 | 12:49
NYMEX. Թանկարժեք մետաղների գները նվազել են
Թուրքիան չեղարկել ու հետաձգել է ՆԱՏՕ-ի մի շարք զորավարժություններ Սև ծովում․ Չավուշօղլու
Քաղաքականություն
31.05.2022 | 17:55
Թուրքիան չեղարկել ու հետաձգել է ՆԱՏՕ-ի մի շարք զորավարժություններ՝ Մոնտրոյի կոնվենցիայի դրույթների հետ կապված։ Այս մասին հայտնել է Թուրքիայի ԱԳՆ ղեկավար Մևլյութ Չավուշօղլուն, գրում է Սպուտնիկը։
«Գործընթացի շրջանակում (Ուկրաինայի վերաբերյալ ) մենք միջնորդական դեր ենք ստանձնել, և բոլորը խրախուսում են այդ դերը: Կկարողանա՞ Թուրքիան խաղալ այդ դերը, եթե ներքաշվի Ռուսաստանի դեմ պատժամիջոցների մեջ: Բոլորը տեսնում են մեր դերակատարության օգուտը, և շատերը կան, որ տեսնում են մեր ոչ պատժամիջոցային քաղաքականության օգուտը։ Մենք մտցրեցինք Մոնտրոյի կոնվենցիան, ստիպված ենք օդային տարածքը բաց թողնել։ Անգամ կոնվենցիայի սահմաններից դուրս գալով՝ Ռուսաստանին հարցնում ենք նավերի մասին։ Եղել են ՆԱՏՕ-ի զորավարժություններ, որոնք նախապես ծրագրված էին, մենք դրանք չեղարկել ենք, հետաձգել։ Այսինքն՝ մենք կարևոր դեր ենք խաղում»,- հայտարարել է Չավուշօղլուն։
Հիշեցնենք, որ Մոնտրոյի կոնվենցիան, որը ստորագրվել է 1936 թվականին, թույլ է տալիս ցանկացած առևտրային նավերի ազատ տեղաշարժը Բոսֆորի և Դարդանելի նեուցներով՝ ինչպես խաղաղ, այնպես էլ պատերազմի ժամանակ:
Տաթև Ֆռանգյան
