06.11.2024 | 20:18
Ադրբեջանի ռազմածովային ուժերը մարտավարական զորավարժություններ են անցկացրել
Եվրոգոտում գնաճը ռեկորդներ է գրանցել. Bloomberg
Քաղաքականություն
31.05.2022 | 18:24
Եվրագոտում գնաճն արագացել է՝ հասնելով ռեկորդային մակարդակի։ Այս մասին հայտնում է Bloomberg-ը։
Նշվում է, որ մայիսին եվրոգոտու սպառողական գները տարեկան կտրվածքով աճել են 8,1%-ով, ինչը, լրատվականի կողմից հարցված տնտեսագետների կարծիքով, գերազանցել է միջին ցուցանիշը 7,8%-ով:
Գործակալությունը նշում է, որ գնաճի արագացումը պայմանավորված է սննդամթերքի և էներգակիրների գների աճով այն բանից հետո, ինչ ուկրաինական պատերազմը հանգեցրել է հումքային ապրանքների գների աճի։ Բազային գնաճի ցուցանիշը, որը բացառում է գների կարճաժամկետ տատանումները, ավելացել է 3,8%-ով։
Commerzbank-ի տնտեսագետ Քրիստոֆ Ուեյլը նշում է, որ եվրոգոտում գնաճի արագ տեմպերի նվազման նշաններ չկան։
«Նույնիսկ եթե ռուսական նավթի և գազի մատակարարումների դադարեցում չլինի, և եթե տարվա ընթացքում էներգակիրների գների տարեկան աճը զգալիորեն նվազի, գնաճի մակարդակը, հավանաբար, դեռևս կկազմի 6% մինչև տարեվերջ»,- ասել է Ուեյլը:
ԵՄ կանխատեսումների համաձայն՝ չնայած գնաճը պետք է գագաթնակետին հասնի այս եռամսյակում, այն հաջորդ տարի, ամեն դեպքում, Եվրոպական Կենտրոնական բանկի նպատակային ցուցանիշը կգերազանցի միջինը 2%-ով։
Հաղորդվում է, որ արտադրությունը դանդաղել է նաև ապրանքների բարձր գների և մատակարարման շղթաների հարկադիր փոփոխության ֆոնին, և ԵՄ-ի կողմից ռուսական նավթի արգելքը կարող է ավելի մեծացնել ճնշումը գների վրա, որոնք արդեն իսկ ավելացել են ցորենի և պարարտանյութերի մատակարարման խափանումների պատճառով:
Տաթև Ֆռանգյան
