23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Իմացա՝ թուրք մարզիկը մասնակցելու է, չնայած վնասվածքին՝ ռինգ դուրս եկա, որ իրենց դրոշը չբարձրանա․ Բաչկով․ ՏԵՍԱՆՅՈՒԹ
Հասարակություն
31.05.2022 | 16:12
Գյումրիում՝ քաղաքի մուտքի մոտ, քաղաքային իշխանությունները, երկրպագուները մեծ շուքով դիմավորեցին բռնցքամարտի Եվրոպայի եռակի չեմպիոն, գյումրեցի Հովհաննես Բաչկովին։ Նա լրագրողների հետ ճեպազրույցում ասաց, որ առանց երկրպագուների աջակցության հաղթանակի չէր հասնի։
«Այս հաղթանակը միայն իմը չէ, այլ ողջ ազգինն է»,-ասաց չեմպիոնը։
Նա պատմեց, որ ձեռքը վնասված էր, ու մտածում էր չմասնակցել Երևանում ընթացող բռնցքամարտի Եվրոպայի առաջնությանը, սակայն ուժերը հավաքեց հանուն այն բանի, որ թուրք մրցակիցը չդառնար Եվրոպայի չեմպիոն։ Սակայն, ըստ չեմպիոնի, հայտ ներկայացնելուց անմիջապես հետո է պարզ դարձել, որ ցուցակից հանել են թուրք մարզիկին։
Ըստ Հովհաննես Բաչկովի նույնիսկ վերջին մենամարտը դժվարությամբ չի տրվել․ ամեն ինչ եղել է այնպես, ինչպես ինքը ցանկանում էր:
Հիշեցնենք, որ Հովհաննես Բաչկովը, եզրափակչում հաղթելով Ֆրանսիան ներկայացնող Լյունի Համրուին, դարձավ Եվրոպայի եռակի չեմպիոն։
Արմիկ Մովսիսյան
