26.03.2026 | 23:44
Քարաթափում Սիսիան-Լծեն-Տաթև ավտոճանապարհին
Մոլդովայի նախագահը հայտարարել է, որ ԱՊՀ-ից երկրի դուրս գալու հարցը ներկայում չի քննարկվում
Քաղաքականություն
31.05.2022 | 16:48
ԱՊՀ կազմից Մոլդովայի դուրս գալու հարցը հիմա չի քննարկվում։ Այս մասին հայտարարել է երկրի նախագահ Մայա Սանդուն, գրում է Ինտերֆաքսը։
«Եկեք օբյեկտիվ խոսենք, ԱՊՀ-ն ոչ միայն Ռուսաստանն է, նաև այլ երկրներ։ Քիշնևն առևտրատնտեսական օգուտներ է ստանում ոչ միայն Ռուսաստանի հետ հարաբերություններում, այլ նաև այլ երկրների հետ համագործակցությամբ»,- ասել է Սանդուն։
Նա նաև նշել է, որ չպետք է ԱՊՀ-ում մնալը կապել Մոլդովայի եվրաինտեգրման հետ։
«Այժմ վաղաժամ է խոսել Համագործակցությունից դուրս գալու մասին: Կհասնենք դրան և կքննարկենք այն: Եկեք հետևողականորեն շարժվենք»,- ասել է Մոլդովայի նախագահը՝ հույս հայտնելով, որ Քիշնևն արդեն իսկ հունիսին կստանա ԵՄ անդամության թեկնածուի կարգավիճակ։
Էմմա Չոբանյան
