22.04.2026 | 22:45
Թուրք լրագրողի համար դատախազությունը պատիժ է պահանջում է` հայ երիտասարդների հետ Ցեղասպանության հետ կապված զրույցի համար
Եվրոպական խորհուրդը հունիսին կքննարկի ԵՄ-ին Վրաստանի, Ուկրաինայի և Մոլդովայի անդամակցության դիմումները
Քաղաքականություն
31.05.2022 | 16:03
Եվրոպական խորհուրդը հունիսին կայանալիք նիստում կանդրադառնա Ուկրաինայի, Մոլդովայի և Վրաստանի կողմից ԵՄ-ին անդամակցության դիմումների հարցին։ Նովոստի Գրուզիայի փոխանցմամբ՝ այս մասին ասված է Եվրոպական խորհրդի նիստի արդյունքներով հրապարակված հայտարարության մեջ։
Այս պահին ԵՄ առաջնորդները սպասում են Եվրահանձնաժողովի եզրակացությանը։
Նշվում է, որ հայտարարության մեծ մասը նվիրված է Ուկրաինայում տիրող իրավիճակին։
«Եվրախորհուրդը խստորեն դատապարտում է Ուկրաինայի դեմ Ռուսաստանի ագրեսիվ պատերազմը և կոչ է անում Ռուսաստանին՝ անհապաղ դադարեցնել առանց ընտրության հարձակումները խաղաղ բնակչության և քաղաքացիական ենթակառուցվածքների վրա, անհապաղ և անվերապահորեն դուրս բերել իր բոլոր զորքերն ու տեխնիկան Ուկրաինայի ողջ տարածքից»,- ասվում է հայտարարության մեջ։
Եվրախորհուրդը հայտարարել է, որ պատրաստ է ուժեղացնել ճնշումը Ռուսաստանի և Բելառուսի վրա՝ դադարեցնելու Ռուսաստանի պատերազմն Ուկրաինայի դեմ և կոչ է անում բոլոր երկրներին՝ միանալ ԵՄ պատժամիջոցներին։
«Պատժամիջոցները շրջանցելու կամ Ռուսաստանին այլ կերպ օգնելու ցանկացած փորձ պետք է դադարեցվի»,- ասվում է հայտարարության մեջ։
Եվրոպական խորհուրդը նշում է Ուկրաինային ֆինանսական և հումանիտար օգնության անհրաժեշտությունը և հայտարարում, որ պատրաստ է Ուկրաինային տրամադրել նոր մակրոֆինանսական օգնություն՝ 9 միլիարդ եվրոյի չափով։
Տաթև Ֆռանգյան
