08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Ռուսաստանն ու Ուկրաինան բանակցում են միայն հումանիտար հարցերի շուրջ
Քաղաքականություն
31.05.2022 | 15:47
Ուկրաինայի և Ռուսաստանի միջև բանակցությունները շարունակվում են, սակայն միայն հումանիտար հարցերի շուրջ, lb.ua-ին տված հարցազրույցում ասել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։
«Բանակցային գործընթացն այսօր դադարեցվել է քաղաքական և դիվանագիտական մասով, հումանիտար մասով այն շարունակվում է, քանի որ կա գերիների փոխանակում, կան մարդասիրական միջանցքներ, մեր ժողովրդին տարհանելու փորձեր»,- ասել է Պոդոլյակը։
Նրա խոսքով՝ քաղաքական մասում բանակցությունները դադարեցվել են այն պատճառով, որ Ռուսաստանը «ոչ համարժեք է նայում իրադարձություններին»։ Ընդ որում, դադարեցվել են ոչ միայն պաշտոնական բանակցությունները, այլև ոչ պաշտոնական խորհրդակցությունները։ Ավելի վաղ որպես բանակցությունների միջնորդ էր նշվում գործարար Ռոման Աբրամովիչը։
Հիշեցնենք, որ Ռուսաստանի և Ուկրաինայի միջև բանակցությունների փաստացի դադարեցման մասին երկու կողմերի ներկայացուցիչները հայտարարել են մայիսի կեսերին։ Վերջին անգամ ուկրաինական և ռուսական պատվիրակությունները Թուրքիայում հանդիպել են մարտի վերջին։
Տաթև Ֆռանգյան
