07.02.2026 | 00:13
Հայաստանի պատվիրակությունը՝ ձմեռային Օլիմպիական խաղերի բացմանը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Հունաստանը երկարացնում է Թուրքիայի հետ սահմանային պատը
Քաղաքականություն
30.05.2022 | 20:41
Հունաստանի իշխանությունները հայտարարել են, որ նախատեսում են Թուրքիայի հետ սահմանին պատի ընդլայնում ու ԵՄ-ից փնտրում են ֆինանսական աջակցություն՝ լրացուցիչ շինարարության համար, գրում է ekathimerini-ն։
Միգրացիայի հարցերով նախարար Նոտիս Միտարակիսն ասել է, որ պողպատե պատը կերկարացվի 40-ից մինչև 120 կիլոմետր (25-75 մղոն), իսկ շինարարական աշխատանքները կսկսվեն այս տարվա վերջին:
«Սա կառավարության որոշումն է՝ երկարաձգել սահմանային պատը, և մենք եվրոպական ֆինանսավորում ենք խնդրել»,- ասել է Միտարակիսը։
Նա ծրագրի մասին այլ մանրամասներ չի հայտնել։
Հունաստանը իր հարևան և ՆԱՏՕ-ի դաշնակից Թուրքիային մեղադրում է միգրացիան «գործիքավորելու» մեջ՝ որպես ԵՄ-ի վրա ճնշման միջոց։
Անցյալ տարի 12 երկիր, այդ թվում՝ Հունաստանը, ԵՄ-ից խնդրեցին ֆինանսավորել սահմանային պատերի կառուցումը, որոնք ներկայում ֆինանսավորվում են ազգային բյուջեներից: Եվրահանձնաժողովը չի վճարում իր արտաքին սահմաններին պատերի կառուցման համար՝ պատճառաբանելով, որ դա կզրկի միգրացիայի հետ կապված այլ միջոցառումներից, ներառյալ՝ ԵՄ սահմանների պաշտպանության գործակալության՝ Frontex-ի ֆինանսավորումից։
Էմմա Չոբանյան
