28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Շվեդիան ազդանշան է տալիս, որ կարող է վերացնել Թուրքիային զենքի վաճառքի էմբարգոն․ լրատվամիջոցներ
Քաղաքականություն
30.05.2022 | 17:53
Թուրքիային զենք վաճառելու հարցում երկրի դիրքորոշումը կարող է փոխվել՝ ՆԱՏՕ-ին Շվեդիայի և Ֆինլանդիայի անդամակցելու հարցում Անկարայի առարկությունների ֆոնին։ Այս մասին գրում է Bianet-ը՝ վկայակոչելով շվեդական լրատվամիջոցներին։
Շվեդիայի ռազմավարական ապրանքների տեսչության (ISP) սպառազինությունների խմբի ղեկավար Կառլ Էվերտսոնը հայտարարել է, որ ներկայում Թուրքիայի նկատմամբ զենքի էմբարգո չկա, և Շվեդիան առանձին է դիտարկում զենքի վաճառքի դիմումները։
«Քննությունը հիմնված է պաշտպանական, անվտանգության և արտաքին քաղաքական պատճառների և չափանիշների վրա։ Այս անկայուն ժամանակներում ամեն ինչ անվտանգային քաղաքականության մեջ՝ Ուկրաինայում պատերազմից մինչև ՆԱՏՕ-ին Շվեդիայի անդամակցություն, կարող է ազդել որոշման վրա»,- գրում են շվեդական ԶԼՄ-ները։
Հավելենք, որ ՆԱՏՕ-ին անդամակցությանը համաձայնելու համար Թուրքիան Շվեդիայից պահանջում է դադարեցնել այն, ինչն Անկարան անվանում է զենքի էմբարգո, նաև արտահանձնել «ահաբեկչության մեջ կասկածվողներին» և դադարեցնել աջակցությունն «ահաբեկչական խմբավորումներին»։ Շվեդիան նշում է, որ պատաստ է լուծել Անկարայի անվտանգային մտահոգությունները՝ հերքելով ահաբեկչությանն աջակցելու մասին մեղադրանքները։
Հիշեցնենք՝ մայիսի 25-ին Շվեդիայի և Ֆինլանդիայի պատվիրակություններն Անկարայում թուրքական կողմի հետ բանակցություններ էին անցկացնում ՆԱՏՕ-ին անդամակցելու հարցով։ Թուրքիայի նախագահի մամուլի քարտուղար Իբրահիմ Քալընը, որը գլխավորում էր թուրքական պատվիրակությունը, հանդիպումից հետո ասել էր, որ Սկանդինավյան երկու երկրները «դրական են» տրամադրված Թուրքիայի դեմ պատժամիջոցների վերացման հարցում։
Էմմա Չոբանյան
