29.06.2026 | 11:27
Պատ, դուռ, պատուհան չպիտի լինի, հենց բոլորը տեղափոխվեցին վթարային շենքը միանգամից պիտի քանդվի․ ՏԵՍԱՆՅՈՒԹ
ՇՄ նախարարի տեղակալ Արամ Մեյմարյանն ընդունել է ՀՀ-ում Շվեդիայի դեսպան Պատրիկ Սվենսոնի գլխավորած պատվիրակությանը
Քաղաքականություն
30.05.2022 | 16:52
Շրջակա միջավայրի նախարարի տեղակալ Արամ Մեյմարյանն ընդունել է Հայաստանում Շվեդիայի արտակարգ և լիազոր դեսպան Պատրիկ Սվենսոնի գլխավորած պատվիրակությանը․ տեղեկացնում են ՇՄ նախարարությունից։
«2022 թվականին լրանում է ՄԱԿ-ի՝ Շրջակա միջավայրին նվիրված առաջին համաժողովի 50-ամյակը, որը կրկին անցկացվելու է Ստոկհոլմում։
Հայաստանի Հանրապետության վարչապետ Նիկոլ Փաշինյանի որոշմամբ Շրջակա միջավայրի նախարարի տեղակալ Արամ Մեյմարյանը 2022 թվականի մայիսի 31-ից մինչև հունիսի 4-ը գործուղվելու է Շվեդիայի Թագավորություն (Ստոկհոլմ)՝ «Ստոկհոլմ+50. առողջ մոլորակ բոլորի բարգավաճման համար, մեր պատասխանատվությունը, մեր հնարավորությունը» խորագրով միջազգային միջոցառմանը մասնակցելու նպատակով։
Հանդիպմանը քննարկվել են կայանալիք մեծամասշտաբ միջոցառմանը Հայաստանի մասնակցությանը վերաբերող ընթացիկ հարցեր։
Դեսպան Սվենսոնն իր պատրաստակամությունն է հայտնել օժանդակել նախարարի տեղակալին միջոցառմանը մասնակցության օրակարգի շուրջ աշխատանքների ընթացքում։
Կողմերը քննարկել են նաև շրջակա միջավայրի ոլորտում համագործակցության այլ ուղղություններ, մասնավորապես անդրադարձ է կատարվել անտառներին և կենսաբազմազանությանը վերաբերող հարցերի։
Պայմանավորվածություն է ձեռք բերվել ընդլայնել համագործակցության հնարավոր ուղղությունների շրջանակը և համագործակցել նաև վերականգնվող էներգետիկայի և էներգախնայողության, ինչպես նաև թափոնների կառավարման շուրջ։
Նախարարի տեղակալ Արամ Մեյմարյանը շնորհակալություն է հայտնել հանդիպման նախաձեռնության համար և կարևորել համագործակցության ընդլայնման ու փորձի փոխանակման հնարավորությունն այն ուղղություններով, որտեղ Շվեդիան ունի հաջողված փորձ»,- ասված է հաղորդագրությունում։
