18.05.2026 | 23:17
Ռոբոտ-վանականները Սեուլում մասնակցել են Լոտոսի լապտերների փառատոնի շքերթին. ՏԵՍԱՆՅՈՒԹ
Պուտինն Անվտանգության խորհրդի նիստ է գումարել
Քաղաքականություն
30.05.2022 | 15:54
Ռուսաստանի նախագահ Վլադիմիր Պուտինի նախագահությամբ այսօր Անվտանգության խորհրդի հերթական նիստն է գումարվել։ Այն անցկացվել է տեսակապի միջոցով։ Ռուսական «Առաջին ալիքի» փոխանցմամբ՝ հիմնական զեկուցողը եղել է արտգործնախարար Սերգեյ Լավրովը, քանի որ քննարկվել են հիմնականում արտաքին քաղաքականությանը վերաբերող հարցեր։
«Մենք այսօր կխոսենք, կքննարկենք մի քանի հարցեր, որոնք փոխկապակցված են՝ նկատի ունեմ մեր երկու կարևորագույն ոլորտները Անվտանգության խորհրդի մշտական անդամների նիստի աշխատանքի շրջանակում, որոնք միմյանց փոխկապակցված են՝ արտաքին քաղաքականության և անվտանգության ապահովման հարցերը»,- ասել է Վլադիմիր Պուտինը։
ԱԽ նիստին մասնակցել են ՌԴ վարչապետ Միխայիլ Միշուստինը, ուժային կառույցների ղեկավարները, Պետդումայի նախագահ Վյաչեսլավ Վոլոդինը։ Նիստից այլ մանրամասներ չեն հաղորդվում։
Տաթև Ֆռանգյան
