16.01.2025 | 10:08
Հրդեհ Պարույր Սևակ թաղամասում՝ ավտոպահեստամասերի խանութում
Ռուսաստանին դեֆոլտ հայտարարելու համար օբյեկտիվ պատճառներ չեն կարող լինել․ Պեսկով
Քաղաքականություն
30.05.2022 | 16:31
Ռուսաստանին դեֆոլտ հայտարարելու համար օբյեկտիվ պատճառներ չեն կարող լինել․ երկիրն ունի և՛ փող, և՛ վճարելու պատրաստակամություն։ Այս մասին երկուշաբթի լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Մեր դիրքորոշումը հայտնի է, դեֆոլտի համար օբյեկտիվ պատճառներ չեն կարող լինել: Գումար կա և պատրաստակամություն կա վճարելու՝ թե՛ ռուբլով, թե՛ արժեթղթերի սեփականատերերի համար ավելի հարմար սխեմայով»,- ասել է նա:
Հարցին՝ արդյո՞ք ՌԴ եվրապարտատոմսեր պահողները կհամաձայնեն կուպոնների սխեմայով վճարումներին, որոնք նման են գազի դիմաց ռուսական ռուբլով վճարումներին, թե՞ կգերադասեն ՌԴ-ին դեֆոլտ հայտարարել, Կրեմլի ներկայացուցիչը պատասխանել է․ «Ֆինանսների նախարարությունը, մեր համապատասխան գերատեսչությունները քննարկումներ են ունենում։ Ամեն ինչ կախված կլինի այդ շփումներից»։
Ավելի վաղ ՌԴ ֆինանսների նախարար Անտոն Սիլուանովը «Վեդոմոստի»-ին ասել էր, որ Մոսկվան նախատեսում է վճարումներ կատարել ռուսական եվրապարտատոմսերի սեփականատերերին՝ օգտագործելով ռուսական գազի դիմաց ռուբլով վճարման սխեմայի նման մեխանիզմը։ Դա անելու համար օտարերկրյա ներդրողներին անհրաժեշտ կլինի արժութային և ռուբլու հաշիվներ բացել ռուսական բանկում, նշել է հրատարակությունը։
Տաթև Ֆռանգյան
