16.01.2025 | 11:52
Բայդենը հրաժեշտի ելույթում նախազգուշացրել է՝ ԱՄՆ-ում օլիգարխիա է ձևավորվում, որը սպառնում է ժողովրդավարության ապագային
Զասը հայտարարել է, որ ՀԱՊԿ-ի ընդլայնում ներկայում չի նախատեսվում, բանակցություններ չկան
Քաղաքականություն
30.05.2022 | 15:09
ՀԱՊԿ գլխավոր քարտուղար Ստանիսլավ Զասը հայտարարել է, որ կառույցի անդամ երկրների ընդլայնում այժմ չի նախատեսվում։ Այս մասին Զասը հայտարարել է «Парламентская газета»-ի հետ զրույցում պատասխանելով հարցին՝ արդյո՞ք առաջիկայում ՀԱՊԿ-ի ընդլայնման ծրագիր կա և կա՞ն երկրներ, որոնց հետ նման բանակցություններ են ընթանում։
«Կազմակերպության իրավական հիմքը նախատեսում է նոր պետությունների՝ դրան միանալու ընթացակարգ։ Կանոնադրության 19-րդ հոդվածի համաձայն՝ անդամակցության համար կարող է դիմել ցանկացած երկիր, որը կիսում է ՀԱՊԿ-ի նպատակները, խնդիրներն ու սկզբունքները և պատրաստ է ստանձնել համապատասխան պարտավորություններ։ Նաև ձևակերպված է ՀԱՊԿ գործընկերների և դիտորդների իրավական ինստիտուտը՝ պետություններ ու միջազգային կազմակերպություններ, որոնք կիսում են մեր հայացքներն ու նպատակները, ունեն հնարավորություն ստանալու կարգավիճակ և մասնակցելու անվտանգության ապահովման ընդհանուր խնդիրների իրականացմանը՝ հաշվի առնելով իրենց շահերը։ Ներկայում մենք նման բանակցություններ ոչ մեկի հետ չենք վարում»,- ասել է Զասը։
Էմմա Չոբանյան
