17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Խուլիգանություն կատարելու կասկածանքով ակցիայի 5 մասնակից է բերման ենթարկվել․ Ոստիկանություն
Հասարակություն
30.05.2022 | 14:38
Այսօր կեսօրին Կառավարության 3-րդ մասնաշենքի դիմաց ընդդիմության բողոքի ակցիա մասնակիցներից 5-ը բերման է ենթարկվել։ Տեղեկությունը Factor.am-ին հայտնեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը:
Ըստ նրա՝ ակցիայի մասնակիցները բերման են ենթարկվել խուլիգանություն կատարելու կասկածանքով և տարվել են ոստիկանության կենտրոնական բաժին։
Ակցիայի ընթացքում հրմշտոց է տեղի ունեցել, որի հետևանքով շտապօգնության մեքենայով «Հերացի» թիվ 1 համալսարանական հիվանդանոց է տեղափոխվել 4 քաղաքացի։ Տուժողների թվում նաև ոստիկաններ են եղել։ ԵՊԲՀ աշխատակազմի ղեկավար Շուշան Դանիելյանն ավելի վաղ ֆեյսբուքյան գրառմամբ տեղեկացրել էր, որ քաղաքացիների վիճակը գնահատվում է կայուն, նրանց կյանքին վտանգ չի սպառնում։ Հիվանդանոց տեղափոխված 4 քաղաքացիներից 2-ը ոստիկանության ծառայողներ են:
Արփի Հակոբյան
