28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Հայաստանի Առաջին Հանրապետության Անկախության 104-րդ տարեդարձին նվիրված տարբեր միջոցառումներ են տեղի ունեցել Լոնդոնում
30.05.2022 | 18:35
Մայիսի 29-ին Հայաստանի Առաջին Հանրապետության Անկախության 104-րդ տարեդարձին նվիրված տարբեր միջոցառումներ տեղի ունեցան Լոնդոնում՝ ՄԹ-ում Հայաստանի դեսպանության, Հայ Առաքելական Եկեղեցու թեմի և ՄԹ հայ համայնքի խորհրդի բարձր հովանու ներքո։ Այս մասին հայտնում են Միացյալ Թագավորությունում ՀՀ դեսպանությունից։
«Բրոմփթոնի գերեզմանատանը հարգանքի տուրք մատուցվեց ՄԹ-ում Հայաստանի առաջին Հանրապետության դեսպան գեներալ Ջեյմս Բագրատունու հիշատակին, ինչին հաջորդեց Սուրբ Եղիչե եկեղեցում Հայաստանի Հանրապետության համար հատուկ աղոթքն ու ծաղկեպսակի զետեղման արարողությունը Սուրբ Եղիչե եկեղեցու բակում գտնվող խաչքարին՝ ի հիշատակ 1918 թվականի Հայաստանի առաջին Հանրապետության հիմնադիրների և Սարդարապատի հերոսամարտի հերոսների։
Դեսպան Ներսեսյանն իր ելույթում կարևորեց մայիսյան հերոսամարտերն ու հայոց պետականության վերականգնումը, որով հիմք դրվեց ներկայիս Հայաստանի Հանրապետության ձևավորմանը»,- ասված է հաղորդագրությունում։
