09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մինչև գագաթնաժողովը ԵՄ-ն կրկին կփորձի համաձայնության գալ Ռուսաստանի դեմ նավթային էմբարգոյի շուրջ
Քաղաքականություն
30.05.2022 | 14:18
Եվրամիության 27 երկրների մշտական ներկայացուցիչների կոմիտեն այսօր՝ մայիսի 30-ին կրկին կփորձի փոխզիջման հասնել ռուսական նավթի էմբարգոյի շուրջ՝ Ռուսաստանի Դաշնության դեմ պատժամիջոցների վեցերորդ փաթեթը բացելու համար: Սա վերջին փորձը կլինի ԵՄ գագաթնաժողովից առաջ, որը կմեկնարկի այսօր և կտևի երկու օր։
Մայիսի 29-ին մշտական ներկայացուցիչների հանդիպման ժամանակ հնարավոր չի եղել նավթային էմբարգոյի վերաբերյալ լուծում գտնել, որը կբավարարեր ԵՄ անդամ բոլոր 27 երկրներին, հայտնել են ԵՄ-ում DW-ի երկու աղբյուրները։
«Կարևոր է շարունակել աշխատել և չհանձնվել՝ մինչև դրան (պատժամիջոցների վեցերորդ փաթեթի շուրջ փոխզիջմանը) հասնելը։ Մինչև ԵՄ գագաթնաժողովը քիչ ժամանակ կա։ Սա կարող է աշխատել կամ չաշխատել: Բայց մենք պետք է փորձենք»,- ասել է ԵՄ բարձրաստիճան պաշտոնյան։
DW-ի զրուցակիցը պարզաբանել է, որ նավթային էմբարգոյի շուրջ համաձայնության գալը դժվար է, քանի որ ԵՄ որոշ երկրներ ավելի շատ են կախված ռուսական նավթից, քան մյուսները։
Տաթև Ֆռանգյան
