09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանը լայնածավալ հարձակում է նախապատրաստում Սլավյանսկի ուղղությամբ․ Ուկրաինայի ԳՇ
Քաղաքականություն
30.05.2022 | 14:44
Ռուսաստանի զինված ուժերը լայնածավալ հարձակում են նախապատրաստում Սլավյանսկի ուղղությամբ, ինչի համար լրացուցիչ տեխնիկա և ստորաբաժանումներ են տեղափոխում տարածաշրջան։ Այս մասին մայիսի 30-ին հայտնել է Ուկրաինայի ԶՈՒ Գլխավոր շտաբը, փոխանցում է DW-ի ռուսական ծառայությունը։
Դոնբասում Ուկրաինայի պաշտպանության ուժերի կենտրոնը գտնվում է Սլավյանսկի շրջանում, նշում է dpa գործակալությունը։ Դոնբասի շրջանի Կրամատորսկում, որը դեռևս Կիևի վերահսկողության տակ է, տեղակայված է Ուկրաինայի զինված ուժերի բարձրագույն հրամանատարությունը, նշում է գործակալությունը։
Ռուսական զորքերը վերախմբավորվում են՝ վերսկսելու գրոհը Իզյում-Սլավյանսկ և Իզյում-Բարվենկովո ուղղություններով, հայտնում է Ուկրաինայի Զինված ուժերի գլխավոր շտաբը։ Ռուսական զորքերը նաև 250 միավոր զենք և զինտեխնիկա են տեղակայել Իզյումի շրջանում և վերանորոգել Կուպյանսկ քաղաքի մոտ գտնվող երկաթուղային կամուրջը՝ մատակարարումներն արագացնելու համար։
Իզյումից հյուսիս տեղակայվել է նաև ռուսական Կա-52 հարվածային ուղղաթիռների էսկադրիլիա, որոնք համարվում են այս տիպի ամենաժամանակակից ուղղաթիռները Ռուսաստանում։ Ռուսական զորքերը հարձակման են պատրաստվում նաև Սլավյանսկի ուղղությամբ՝ վերջերս գրավված Լիման քաղաքի կողմից։ Սևերոդոնեցկում ռուսական ստորաբաժանումներն արդեն հաստատվել են քաղաքի հյուսիս-արևելքում և հարավ-արևելքում։ Նախատեսվում է նաև Ռուսաստանից լրացուցիչ ստորաբաժանումներ տեղափոխել այստեղ, հայտնում է Ուկրաինայի զինված ուժերի գլխավոր շտաբը։
Քաղաքից դեպի արևմուտք ռուսական զորքերը փորձում են առաջ շարժվել Բախմուտի ուղղությամբ՝ այդպիսով կտրելով Սևերոդոնեցկի մատակարարման վերջին ուղին և շրջապատել ուկրաինական զորքերը, հայտնել են ուկրաինական Գլխավոր շտաբից։
Տաթև Ֆռանգյան
