15.12.2024 | 19:20
Տանիքում շինարարական աշխատանքներ իրականացնելիս հանկարծամահ է եղել
Թուրքիայի պաշտպանության նախարարը ժամանել է Ադրբեջան
Քաղաքականություն
27.05.2022 | 21:31
Թուրքիայի պաշտպանության նախարար Հուլուսի Աքարի գլխավորած պատվիրակությունն աշխատանքային այցով ժամանել է Բաքու։ Այս մասին հայտնում են ադրբեջանական լրատվամիջոցները՝ վկայակոչելով Ադրբեջանի ՊՆ-ին։
Տեղի է ունեցել երկու երկրների պաշտպանության նախարարների հանդիպումը։ Աքարն ընդգծել է Բաքվում TEKNOFEST փառատոնի, ինչպես նաև համատեղ վարժանքների անցկացման կարևորությունը։
Նշվում է, որ հանդիպմանը քննարկվել են Ադրբեջանի և Թուրքիայի միջև ռազմական, ռազմատեխնիկական, ռազմակրթական և այլ ոլորտներում համագործակցության զարգացման հեռանկարները։
Հավելենք, որ վաղն Ադրբեջան է այցելելու Թուրքիայի նախագահ Ռեջեփ Թայիփ Էրդողանը։
Էմմա Չոբանյան
