17:47
Քիչ առաջ տեղեկացանք, որ Արամ Մկրտչյանի վիրահատությունն ավարտվել է, նրա կյանքին վտանգ չի սպառնում: Դանակի հարվածն ստացել է սրտի ու թոքի միջակայքում:
Factor.am-ի տեղեկություններով՝ HSBC բանկի այսօրվա զինված հարձակման արդյունքում վիրավորված անձը բանկի անվտանգության աշխատակիցն է։
Նա 24-ամյա Արամ Մկրտչյանն է, որը հարձակման արդյունքում դանակի հարված է ստացել սրտի շրջանում։ Հիվանդանոցից մեզ տեղեկացրին, որ վիրավորված անվտանգության աշխատակիցը դեռ վիրահատարանում է։ Այլ տեղեկություն այս պահին չեն կարղ հայտնել։
Իսկ ՀՀ ոստիկանությունից տեղեկացրին, որ բժիշկներին չի հաջողվել փրկել ավազակային հարձակում կատարածի արձակած գնդակից հրազենային վնասվածք ստացած մյուս ոստիկանի կյանքը։ Ոստիկանության ավագ ենթասպա Արա Շախգուլյանը, չնայած վիրահատությանն ու բժիշկների բոլոր ջանքերին, մահացել է։ Երկու երեխաների հայր, ՊՊԾ ջոկի հրամանատարը համակարգում էր 2000 թվականից։
