20.08.2026 | 11:49
ՔՊ-ն որոշել է Արեգա Հովսեփյանին և Հայկ Ֆարմանյանին չընտրել հանձնաժողովի նախագահներ
ԱՀԿ-ն բանաձև է ընդունել՝ դատապարտելով Ռուսաստանին Ուկրաինայում պատերազմի համար
Քաղաքականություն
27.05.2022 | 20:51
Առողջապահության համաշխարհային կազմակերպությունը (ԱՀԿ) քվեարկել է Ուկրաինայում ռուսական պատերազմը դատապարտելու օգտին, քանի որ այն լուրջ առողջական խնդիրներ է ստեղծում ոչ միայն գրավված երկրի, այլև ավելի լայն առումով միջազգային հանրության համար, փոխանցում է VOA-ն։
Շվեյցարական Ժնևում 75-րդ Առողջապահության համաշխարհային վեհաժողովի պատվիրակները ձայների 88 կողմ, 12 դեմ և 53 ձեռնպահ հարաբերակցությամբ պաշտպանել են բանաձևը։ Կիևի դեմ Մոսկվայի ռազմական ագրեսիան դատապարտող բանաձևը, որը համահեղինակվել է մոտ 50 երկրների կողմից, կոչ է անում Ռուսաստանին՝ դադարեցնել հարձակումները հիվանդանոցների և այլ բժշկական հաստատությունների վրա, հարգել և պաշտպանել բժշկական և մարդասիրական անձնակազմին:
Վեհաժողովը, որը ԱՀԿ-ի որոշումները կայացնող մարմինն է, նաև մերժել է Ռուսաստանի և Սիրիայի առաջարկած այլընտրանքային բանաձևը Ուկրաինայում իրավիճակի վերաբերյալ, որում չի նշվել Կրեմլի ռազմական միջամտության մասին:
ՄԱԿ-ի հաստատություններում ու Ժնևի միջազգային կազմակերպություններում ԱՄՆ մշտական ներկայացուցիչ Շեբա Քրոքերը ռուսական բանաձևը «ցինիկ հնարք» է անվանել, որը կազմվել է Կրեմլը որպես առողջապահության ու մարդասիրական օգնության կողմնակից ներկայացնելու համար։
Տաթև Ֆռանգյան
