27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Հույն զինվորները ձերբակալել են սահմանն ապօրինի հատած Թուրքիայի քաղաքացու
Քաղաքականություն
03.05.2018 | 17:14
Հույն սահմանապահները ձերբակալել են թուրքական շինարարական մեքենայի վարորդին։ Թուրքական կողմի պնդմամբ՝ թուրք վարորդը պատահմամբ է հայտնվել թուրք-հունական սահմանի միջև գտնվող չեզոք գոտում. փոխանցում է ermenihaber-ը:
Ձերբակալված անձը, ով Թուրքիայի քաղաքացի է, տեղափոխվել է թուրք-հունական սահմանի վրա գտնվող Կաստանիես սահմանային անցակետ, որտեղից էլ ուղարկվել է Օրեստիաս քաղաք։
Թուրքիայի Էդիրնե քաղաքի քաղաքապետ Ռեջեփ Գյուրքան հայտնել է, որ այժմ թուրքական կողմը հույն պաշտոնյաների հետ բանակցություններ է վարում, որ թուրք վարորդն ազատ արձակվի և վերադառնա հայրենիք։
Հիշեցնենք, որ մարտի 1-ին թուրք-հունական սահմանին գտնվող Էդիրնե անցակետում Թուրքիայի անվտանգության աշխատակիցները ձերբակալել էին 2 հույն զինվորականի, որոնք եղանակային վատ պայմանների պատճառով մոլորվել և սխալմամբ հատել էին Թուրքիայի սահմանը։
