28.07.2026 | 18:49
ԵՄ-ն կանչել է ՌԴ գործերի ժամանակավոր հավատարմատարին՝ ԱԹՍ-ներով Ռումինիայի օդային տարածքը խախտելու միջադեպի պատճառով
Ուկրաինան ընդունում է ռուսական բանակի առավելությունը Դոնբասում
Քաղաքականություն
27.05.2022 | 16:06
Առնվազն 9 մարդ զոհվել է, 19-ը՝ վիրավորվել Խարկովի հրետակոծության հետևանքով: Զոհերի թվում 5 ամսական երեխա կա։ Այս մասին հայտարարել է Ուկրաինայի նախագահ Վլադիմիր Զելենսկին, փոխանցում է Euronews-ը։
Վիրավորներին տեղափոխել են մետրոյի մոտակա կայարաններ։ Մետրոպոլիտենը, որն այս շաբաթ է վերսկսել աշխատանքը, կրկին ծառայում է որպես ռմբապաստարան։ Մինչդեռ երկրի արևելքում մարտերը շարունակվում են։ Լուգանսկի շրջանի նահանգապետի խոսքով՝ Ուկրաինայի վերահսկողության տակ է շրջանի միայն 5 տոկոսը։
Կիևն ընդունում է Դոնբասում ռուսական բանակի առավելությունը՝ միաժամանակ նշելով, որ Մոսկվայի նպատակն է արևելյան խոշոր քաղաքները «մոխրի վերածել՝ Մարիուպոլի և Վոլնովախայի օրինակով»։
Իր հերթին, ԱՄՆ կառավարությունը պատրաստվում է հեռահար հրթիռային համակարգեր ուղարկել, սակայն, ըստ փորձագետների, այս տարածաշրջանի համար, ամենայն հավանականությամբ, ուշ է։
Ուկրաինական կողմը խոստովանել է, որ իր շուրջ 8․000 զինվոր գերի է ընկել։ Իշխանությունները հույս ունեն, որ փոխանակման արդյունքում կկարողանան նրանց տուն վերադարձնել։
Տաթև Ֆռանգյան
