16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Ստոլտենբերգը հայտարարել է, որ ՆԱՏՕ-ի առաջիկա գագաթնաժողովում Շվեդիան և Ֆինլանդիան դժվար թե դաշինքի անդամության թեկնածուի կարգավիճակ ստանան
Քաղաքականություն
27.05.2022 | 14:32
Շվեդիան և Ֆինլանդիան դժվար թե դառնան ՆԱՏՕ-ի անդամության թեկնածուներ դաշինքի առաջիկա գագաթնաժողովին, եթե չկատարեն Թուրքիայի պահանջները։ Նման հայտարարություն է արել ՆԱՏՕ-ի գլխավոր քարտուղար Յենս Ստոլտենբերգը, գրում է ՌԻԱ Նովոստին։
«Երբ դաշնակիցը խնդիր է բարձրացնում, պետք է լուծել այն։ Միշտ այդպես է արվել»,- ասել է նա։
Ստոլտենբերգի խոսքով՝ Շվեդիան և Ֆինլանդիան, որպես հրավիրյալ երկրներ, կարող են մասնակցել Մադրիդում հունիսի 28-30-ը կայանալիք ՆԱՏՕ-ի գագաթնաժողովին։ Նա, սակայն, նշել է, որ Ստոկհոլմի և Հելսինկիի համար դժվար կլինի ստանալ անդամության թեկնածու երկրի կարգավիճակ, եթե չկատարեն Թուրքիայի պահանջները մինչև հունիսի 28-ը։
Հիշեցնենք, որ Թուրքիան դեմ է ՆԱՏՕ-ին Շվեդիայի և Ֆինլանդիայի անդամակցությանը՝ այդ երկրներին մեղադրելով «քուրդ ահաբեկիչներին աջակցելու» մեջ։ Դաշինքին անդամությանը համաձայնություն տալու դիմաց Անկարան մի շարք պահանջներ է ներկայացրել այդ երկրներին։
Էմմա Չոբանյան
