11.08.2026 | 22:12
Վաշինգտոնում կայացել է Հայաստանի, Ադրբեջանի և ԱՄՆ բարձրաստիճան դիվանագետների եռակողմ հանդիպումը
Ինչո՞ւ է հենց այս օրերին «Երևան-սիթիում» առանց մարդկանց զգուշացնելու հակահրդեհային վարժանք իրականացվում
Հասարակություն
03.05.2018 | 16:26
Factor.am-ը բնակիչներից քիչ առաջ ահազանգ ստացավ, որ Զեյթուն վարչական շրջանի «Երևան սիթի» սուպերմարկետում հրմշտոց է սկսվել հրդեհի պատճառով, և մարդիկ իրար հրելով դուրս են եկել խանութից։ Արտակարգ իրավիճակների նախարարության տեղեկատվության և հասարակայնության հետ կապերի վարչության պետ Ֆաինա Վարդանյանը մեզ հետ զրույցում ասաց հրդեհ չի եղել, պարզապես ԱԻՆ-ը վարժանք է իրականացրել խանութում։ Մեր դիտարկմանը, թե փաստորեն չեն զգուշացրել խանութի հաճախորդներին վարժանքի մասին, ինչն էլ խուճապ է առաջացրել, Ֆաինա Վարդանյանն ասաց, որ դա նորմալ է։
«Որովհետև վարժանքը ենթադրում է իրական իրավիճակին մոտ սցենար։ Հրդեհն էլ չի զգուշացնում, երբ բռնկվում է։ Այո, վարժանքի ամբողջ էությունը հենց դա է, որ մարդիկ սովորեն, թե արտակարգ իրավիճակում ոնց է պետք տարհանվել»,- ասաց Վարդանյանը՝ վստահեցնելով, որ հրմշտոցից ոչ ոք չի տուժել։
Հիշեցնենք, որ ներքաղաքական վերջին զարգացումների ընթացքում քաղաքացիներից շատերը բոյկոտել են «Երևան-սիթի»-ից գնումներ կատարելը:
