05.05.2024 | 14:33
«Տավուշը հանուն հայրենիքի» շարժման երթը հասել է Դիլիջան
Մենք չենք կարող թույլ տալ Պուտինին հաղթել այս պատերազմում․ Օլաֆ Շոլց
Քաղաքականություն
26.05.2022 | 22:08
Գերմանիայի կանցլեր Օլաֆ Շոլցը Դավոսի համաշխարհային տնտեսական ֆորումում հայտարարել է, որ չեն կարող թույլ տալ, որ ՌԴ նախագահ Վլադիմիր Պուտինի հաղթի Ուկրաինայի դեմ պատերազմում, գրում է BBC-ի ռուսական ծառայությունը։
«Մեծ միջուկային տերությունն իրեն այնպես է պահում, կարծես իրավունք ունի տեղափոխել սահմանները։ Պուտինը ցանկանում է վերադառնալ աշխարհակարգի, որտեղ ամեն ինչ որոշվում է ուժով, որտեղ այնպիսի բաներ, ինչպիսիք են ազատությունը, ձգտումները և ինքնիշխանությունը, բոլորի համար չեն»,- ասել է Շոլցը։
Նա նշել է, որ Ռուսաստանին չի հաջողվի այս պատերազմում խաղաղություն հաստատելու իր պայմանները պարտադրել։
Այս հայտարարությունները հատկապես հնչեղ են Գերմանիայում և նրա սահմաններից դուրս Շոլցի կառավարության հասցեին վերջին քննադատությունների ֆոնին։
Շոլցը Դավոսում կեսժամյա ելույթում վստահեցրել է, որ Գերմանիան իրականում շրջադարձային կետ է հաղթահարել իր արտաքին քաղաքականության մեջ, և ավելի քան 70 տարվա ընթացքում առաջին անգամ զենք է ուղարկում ռազմական հակամարտության գոտի: Բացի այդ, ըստ կանցլերի՝ երկիրը սեփական բանակի ծախսերը հասցրել է մինչև 107 մլրդ դոլարի և բոլոր միջոցներով նվազեցնում է իր կախվածությունը ռուսական գազից։
Էմմա Չոբանյան
