28.07.2026 | 17:08
Դատախազությունն ընթացք է տվել Աննա Հակոբյանի հրապարակմանը
Ադրբեջանի հետ բանակցություններ են տարվում թուրքական Akinci անօդաչուների համատեղ արտադրության շուրջ․ Թուրքիայի ԱՏ նախարար
Քաղաքականություն
26.05.2022 | 21:28
Ադրբեջանի հետ բանակցություններ են ընթանում թուրքական Akinci անօդաչու թռչող սարքերի համատեղ արտադրության վերաբերյալ։ Այս մասին հայտարարել է Թուրքիայի արդյունաբերության և տեխնոլոգիաների նախարար Մուսթաֆա Վարանքը, գրում են ադրբեջանական լրատվամիջոցները։
Նա նշել է, որ ներկայում համապատասխան կառույցները շարունակում են բանակցությունները Ադրբեջանի հետ։
«Մենք դիտարկում ենք, թե ինչ կարող ենք համատեղ արտադրել։ Թուրքիայի համապատասխան կառույցները սերտ համագործակցում են Ադրբեջանի հետ»,- ասել է թուրք նախարարը։
Նա ընդգծել է, որ Թուրքիան պատրաստ է աջակցել Ադրբեջանին տիեզերական ոլորտում, ներառյալ՝ արբանյակների արտադրության հարցում։
«Թուրքիայի Արդյունաբերության ևտեխնոլոգիաների նախարարության ու Ադրբեջանի Թվային զարգացման և տրանսպորտի նախարարության միջև ստորագրված համատեղ համագործակցության մասին արձանագրության համաձայն՝ մենք մտադիր ենք Ադրբեջանում ստեղծել նույն տեխնոլոգիական պարկերի անալոգը, ինչ կա Թուրքիայում»,- ասել է Վարանքը։
Նա նշել է, որ խոսքը բոլոր նրանց համար տարածության մասին է, որոնք զբաղվում են սթարթափ նախագծերով և կարող են զարգացնել իրենց ծրագրերը։ Վարանքը նաև հայտնել է, որ տնտեսության ամրապնդման համար Ադրբեջանի հետ մի շարք փաստաթղթեր են ստորագրվելու։
Էմմա Չոբանյան
